澳門 | 澳门
座標:22°10′N113°33′E/22.167°N113.550°E/22.167;113.550澳門(粵拼:ou3mun4*2(喺澳門本地,「門」字唔變調);葡萄牙文:Macau;英文:Macao)係華南一埠兼一城,喺廣東珠江口西南面,東望九洲洋,南望南海。舊時係葡萄牙殖民地,家陣係中華人民共和國特別行政區,叫澳門特別行政區ou3mun4*2dak6bit6hang4zing3keoi1(葡文:RegiãoAdministrativaEspecialdeMacau)。歷史上有梳打埠(so1daa2bou6)[5]、蠔鏡(hou4geng3)、馬交(maa5gaau1)、濠江等嘅別稱。澳門地有三個部份,分別喺駁住中國大陸嘅澳門半島、南面嘅氹仔同路環...
座標: 22°10′N 113°33′E / 22.167°N 113.550°E / 22.167; 113.550
澳門(粵拼:ou3 mun4*2(喺澳門本地,「門」字唔變調);葡萄牙文:Macau;英文:Macao)係華南一埠兼一城,喺廣東珠江口西南面,東望九洲洋,南望南海。舊時係葡萄牙殖民地,家陣係中華人民共和國特別行政區,叫澳門特別行政區ou3 mun4*2 dak6 bit6 hang4 zing3 keoi1(葡文:Região Administrativa Especial de Macau)。歷史上有梳打埠(so1 daa2 bou6)[5]、蠔鏡(hou4 geng3)、馬交(maa5 gaau1)、濠江等嘅別稱。
澳門地有三個部份,分別喺駁住中國大陸嘅澳門半島、南面嘅氹仔同路環,後兩者曾經係兩個島,不過已經被路氹城嘅填海工程二合為一。澳北接廣東珠海市,拱北關閘係通道通。澳西海邊望出去,有珠海嘅灣仔同橫琴。隔九州洋可見香港大嶼山。
澳門開埠已經有四五百年,畀當時嘅葡萄牙人睇中,喺一五五七年同大明租地一居,成爲葡萄牙殖民地。到咗一九九九年十二月二十號,澳門主權正式成為中華人民共和國嘅一部分。
大清嗰陣,澳門喺香港未開埠前,係所有歐洲人等入省城嘅地方。所以係繁華嘅貿易港。直至一八四一年香港開埠,先至畀香港替代。之後轉以娛樂同旅遊事業爲主,賭業係經濟命脈之一。
內文:澳門史澳門喺明代史書中記載稱為「蠔鏡」(濠鏡),澳門當時係葡萄牙同中國貿易嘅主要補給港口。葡萄牙人登陸澳門之後,問當地人呢度地名叫乜嘢,因為喺媽閣廟旁邊,當地人以為佢哋問嗰間廟於是就回答「媽閣」,就噉樣澳門就被命名為「Macau」(粵語「媽閣」葡文譯音)。澳門原本屬於廣東省香山縣(家下中山市)。1557年,葡萄牙人向當時大明政府取得居住權,成為第一批進入中國嘅歐洲人。最初由果亞親王管轄,1623年,葡萄牙政府委任馬士加路也為首任澳門總督。
澳門史上以出名中西文化交流,喺世界經濟運轉有過大功。
1844年9月20號,葡萄牙女王瑪麗亞二世宣佈澳門做「自由港」;1849年,葡萄牙唔再向中國交澳門嘅地租。1851年,葡萄牙佔領氹仔。1864年,葡萄牙再佔領路環。1883年,...