藤子・F・不二雄 | 藤子f不二雄
藤子·F·不二雄(1933年12月1號—1996年9月23號),原名藤本弘,係日本漫畫家。響日本富山縣高岡市出世。最初同安孫子素雄一齊用藤子不二雄做筆名。兩個都係富山縣人,喺高岡市立定塚小學相識,一齊畫漫畫,投稿報紙。1947年,藤子不二雄受到漫畫大師手塚治虫(《怪醫黑傑克》、《鐵臂阿童木》嘅作者)嘅啟發,立志做兒童漫畫家,1964年以《Q太郎》一炮而紅。1970年1月,藤子不二雄創造咗《多啦A夢》(叮噹),喺《小學館》雜誌開始連載。由於多啦A夢大受小學生歡迎,響1973年,藤子不二雄贏咗「漫畫家協會優秀賞」同埋後來嘅「文部大臣...
藤子·F·不二雄(1933年12月1號—1996年9月23號),原名藤本 弘,係日本漫畫家。響日本富山縣高岡市出世。最初同安孫子素雄一齊用藤子不二雄做筆名。兩個都係富山縣人,喺高岡市立定塚小學相識,一齊畫漫畫,投稿報紙。
1947年,藤子不二雄受到漫畫大師手塚治虫(《怪醫黑傑克》、《鐵臂阿童木》嘅作者)嘅啟發,立志做兒童漫畫家,1964年以《Q太郎》一炮而紅。1970年1月,藤子不二雄創造咗《多啦A夢》(叮噹),喺《小學館》雜誌開始連載。由於多啦A夢大受小學生歡迎,響1973年,藤子不二雄贏咗「漫畫家協會優秀賞」同埋後來嘅「文部大臣賞」。
「藤子不二雄」呢個筆名一直用到1987年12月23號,藤本弘同安孫子素雄決定拆夥,之後多啦A夢就交由藤本弘獨力創作,為咗區別,藤本弘同安孫子素雄分別響筆名中加入自己個姓開頭嘅字母作為區分,藤本弘改咗個筆名做「藤子不二雄F(Fujiko Fujio F)」,安孫子素雄改為「藤子不二雄Ⓐ(Fujiko Fujio A)」。1989年2月,藤本嘅朋友石之森章太郎建議藤本弘將筆名改做「藤子·F·不二雄(Fujiko F Fujio)」,而安孫子素雄就用「藤子不二雄Ⓐ」。
1996年9月21號,藤子·F·不二雄畫緊《多啦A夢大長篇──發條城市冒險記》(『ドラえもん のび太のねじ卷き都市(シティー)冒險記』)嗰陣突然失去知覺暈咗,一直冇醒,經搶救返魂乏術,9月23號(星期一)凌晨2點10分因為肝衰竭宣告不治,享年62歲。葬禮喺9月29號(星期日)響日本東京都台東區嘅寬永寺舉行。
藤子·F·不二雄同藤子不二雄Ⓐ嘅共同著作[編輯] 天使之玉(天使の玉ちゃん,1951-1952) 四萬年漂流(四万年漂流,1953) 最後的世界大戰(UTOPIA最後の世界大戦,1953) 海王子(海の王子,1959-1961) Q太郎(オバケのQ太郎,1964-1967,舊版嘅Q太郎重有石森參與)藤子·F·不二雄嘅主要著作[編輯] 神奇小子(パーマン,1966-1968、1983-1986) 21衛門(21エモン,1968-1969、1981) 酸梅星王子(ウメ星デンカ,1968-1969) 外星毛查查(モジャ公,又譯「蒙加公」,1969-1970) 多啦A夢(ドラえもん,以前譯做「叮噹」,1970-19...