【親子好去處】荃灣帝景酒店Royal View Hotel | 帝景酒店兒童樂園
今日我們來到荃灣帝景酒店玩樂,因為我得到了酒店住宿連飲食餐券獎品,所以帶埋一家四口嚟玩番晚當日由於芊芊要下午2:00上playgroup,所以我同Hysan就早少少先入嚟check-in,我哋搭西鐵由朗屏到荃灣西站落車,跟住D出口乘的士大約10分鐘便到了酒店,車費太約$50,我哋先將行李放進房間,然後就同Hysan去5/F的波波池室,大家記住要在check-in時問服務員拎埋張波波池室既咭,如果唔係入唔到去,其實波波池室只係一間套房但將佢設計成波波池+兒童遊戲室!當時只有另一家三口同我哋2個一齊玩,所以冇咩人玩得好開心,跟住唔夠5分鐘那個...
今日我們來到荃灣帝景酒店玩樂,因為我得到了酒店住宿連飲食餐券獎品,所以帶埋一家四口嚟玩番晚
當日由於芊芊要下午2:00上playgroup,所以我同Hysan就早少少先入嚟check-in,
我哋搭西鐵由朗屏到荃灣西站落車,跟住D出口乘的士大約10分鐘便到了酒店,車費太約$50,
我哋先將行李放進房間,然後就同Hysan去5/F的波波池室,
大家記住要在check-in時問服務員拎埋張波波池室既咭,如果唔係入唔到去,
其實波波池室只係一間套房但將佢設計成波波池+兒童遊戲室!
當時只有另一家三口同我哋2個一齊玩,所以冇咩人玩得好開心,
跟住唔夠5分鐘那個家庭都走埋,得番Hysan自己一個玩到傻咗,
其實我唔太鍾意呢d設施,一來我鍾意小朋友接觸多些大自然,二來波波池出咗名係好污糟!不過一次半次就算數啦!
之後我同佢玩咗大約20分鐘,就再帶佢落去酒店附近的海灘,叫做麗都灣海灘,
大家離開酒店門口之後轉右手邊就會見到一條樓梯可以行落去,沿路一直行,大約10分鐘就會見到有指示牌,再沿住樓梯行落去就見到,
其實係酒店高層望落去都會見到個海灘!我哋住18/F,在升降機大堂便可以看見,
順便一提,酒店的升降機是沒有18/F的,只有18/19/F,因為它是18.5/F,出咗Lift之後要上半層或落半層去18及19/F
講番個海灘,我起初以為係一個冇人駕駛既海灘,原來係有救生員,仲要差唔多5﹣6個,
救生員塔都有3﹣4個,十分安全,有2個浮台,個沙灘10個人都冇,d沙仲好幼!幼到砌唔到城堡!
當然個灘好細,但係我情願細都唔想同人逼!
我完全冇介意自己好肥咁除咗件衫,露咗個大肚DUM!不過d水俾浪打埋嚟的少少垃圾污染咗,不過游出d就好乾淨。
...