【台北夜市】8大必去夜市 | 台北夜市排名
精選8大台北[1]夜市!無去過夜市又點算去過台北,所以去台北的朋友,都必定會到夜市瘋狂掃街吃到飽,但眾多夜市又該如何選擇?下面嘅台北夜市合輯一定幫到你,更附有各夜市的詳細美食介紹鏈結及交通介紹,可以按喜好再去看詳細報道,bookmark定,到時去台北就不怕唔識食啦!撰文:貓姐去旅行[2]、JessieLee、Cynthia、潘小熊|圖片來源/攝影:貓姐去旅行、Fion、JessieLee、新傳媒資料庫、Instagram台北夜市推介01:寧夏夜市寧夏夜市被稱為「台北人的胃」,雖然唔係捷運一出就到,但都無阻所有食貨嘅心。而寧夏嘅攤販有一半都係老字號...
精選8大台北[1]夜市 !無去過夜市又點算去過台北,所以去台北的朋友,都必定會到夜市瘋狂掃街吃到飽,但眾多夜市又該如何選擇?下面嘅台北夜市合輯一定幫到你,更附有各夜市的詳細美食介紹鏈結及交通介紹,可以按喜好再去看詳細報道,bookmark定,到時去台北就不怕唔識食啦!撰文:貓姐去旅行[2]、Jessie Lee、Cynthia、潘小熊 | 圖片來源 /攝影:貓姐去旅行、Fion、Jessie Lee、新傳媒資料庫、Instagram
台北夜市推介01:寧夏夜市寧夏夜市被稱為「台北人的胃」,雖然唔係捷運一出就到,但都無阻所有食貨嘅心。而寧夏嘅攤販有一半都係老字號,想試下台灣道地嘅傳統小食,呢度實岩你!
寧夏夜市交通:距離雙連捷運站約8分鐘路程。地址:台北市大同區寧夏路
台北寧夏夜市推介 | 圓環邊蚵仔煎1965年開業,小食款式不多,以蚵仔為主,最受歡迎包括有米糕及超多蚵仔肉的蚵仔湯等。門口經常大排長龍,不過因為在等位時已經點菜並預備定蚵仔煎,故此人流去得也快,不算排得太久。蚵仔煎以土雞蛋做成,而且菜及蚵仔肉多,不算太糊口,要記住,台式蚵仔煎同潮式蠔餅唔同的,唔好以為係脆卜卜的。
蚵仔煎 NT70/HK$18 蚵仔煎上已澆了甜甜鹹鹹的海山醬,受得辣的可以再加枱上辣醬。在店門口見到師傅不停大鑊大鑊地在做蚵仔煎,煎好就分成一份份,用運輸帶轉出去再加上特調的海山醬。圓環邊蚵仔煎地址:寧夏路46號
台北寧夏夜市推介 | 爆漿脆皮魷魚來得夜巿吃,實在要有熱氣的準備,因為即炸即燒的食物都勁吸引。台灣花枝魷魚特別多,普通炸魷魚或花枝很常見,不過像這檔般加了小黃瓜在內的就不算多,即時感覺沒有那麼熱氣。魷魚已經先炸過一遍,再炸會更香口,而且可以加不同口味的味粉或醬料,泰式醬、美奶滋或椒鹽都很受歡迎。
小黃瓜炸魷魚NT120/HK$32 包小黃瓜沒有那麼熱氣。炸魷魚頗大隻,有分包小黃瓜或沒有的版本,炸後再幫你切開方便吃。爆漿脆皮魷魚地址:寧夏夜巿89號檔
台北夜市推介02:南機場夜市南機場夜市係台灣本地人嘅夜市,唔鍾意咁多遊客或者想體驗當地人食法就啱啦。由於唔近捷運站需要轉公車或的士,所以遊客相對比較少~係銅板價美食嘅集中地。