【全新!】9千呎兒童樂園。超大波波池、繩網陣、Playgroup班 | 港島playhouse
【全新!】9千呎兒童樂園。超大波波池、繩網陣、Playgroup班九龍區再開咗一個激新、超大嘅兒童樂園「WellcomeParadise」,呢到佔地面積超過9000平方呎,而且佢哋嘅波波池係全港最大嘅,波波嘅數量仲有成15萬個咁多!入面仲有好多唔同嘅遊戲設施,仲有配合唔同年紀嘅小朋友都設有不同嘅玩樂設施。 樂園以森林做主題,所以到處都會有唔同動物、森林相關嘅裝飾、佈置。 撲波波池海,撲到腳都軟當我見到入面嘅波波池,我同和牛B都一齊叫出嚟!!因為園內有三個波波池,重點就係繩網陣下面嘅波海實在係超大超深呀!!真係可以喺入面游...
【全新!】9千呎兒童樂園。超大波波池、繩網陣、Playgroup班九龍區再開咗一個激新、超大嘅兒童樂園「Wellcome Paradise」,呢到佔地面積超過9000平方呎,而且佢哋嘅波波池係全港最大嘅,波波嘅數量仲有成15萬個咁多!入面仲有好多唔同嘅遊戲設施,仲有配合唔同年紀嘅小朋友都設有不同嘅玩樂設施。
樂園以森林做主題,所以到處都會有唔同動物、森林相關嘅裝飾、佈置。
撲波波池海,撲到腳都軟
當我見到入面嘅波波池,我同和牛B都一齊叫出嚟!!因為園內有三個波波池,重點就係繩網陣下面嘅波海實在係超大超深呀!!真係可以喺入面游波波池水,潛入去真係會唔見咗!!**建議較年幼嘅小朋友,必須由家長陪同先好進入。
**有無人見到和牛爸爸呀?? 哈哈
當我進入最大嘅波波池(園區稱為「波波潭」),如同進入忘我境界一樣呀!真係好興奮呀!!
*和牛爸爸話,呢個玩法叫做坐船仔~
而波波潭係可以直接通往上面嘅繩網陣,我形容佢為樹幹。
波波潭最入嘅地方,仲有遊戲玩。只要將波波掟到屏幕,被掟中嘅海洋生物就會消失o架啦。
至於通往波波潭嘅方法有五個方法,水管旋轉式長滑梯「歷奇迷旋」,有透明設計,小朋友就唔洗驚啦。
另外三個入口都係穿過迷宮陣進入嘅。
而第五個方法就係從繩網陣落嚟。
幼兒區嘅波波池有兩邊,呢一個係可以連接歷奇迷旋及波波潭嘅,波波池比較淺。
仲有一隻大甲蟲,小朋友可以坐上去玩。
...