K1 大作戰Round 3 | 平田救世軍 N班
二零一四年十一月一日 星期六 老公1:30PM就來到公公婆婆家中,同我哋一齊出發去今日的第三站-平田救世軍幼稚園~ 我哋早了10分鐘到達,所以先在門口等下,玩下車車先~ 之後就叫我哋入去,先交回問卷,再入去面試等候區玩下玩具先~ 之後就入去一個課室,聽校長介紹學校,彤彤又開始坐唔定,全程係度四圍走,初初幾次我都無捉返佢返來,但佢次次都係度爭扎同扭計,所以我都由得佢四圍走算了,反正呢間學校都係for後備之用,正選一定唔會揀,因為地方細同舊,同埋唔見有NET老師,再加上個校長自視過高(佢介紹學校時講到間學校幾受...
二零一四年十一月一日 星期六
老公 1:30PM 就來到公公婆婆家中,同我哋一齊出發去今日的第三站 - 平田救世軍幼稚園~
我哋早了 10 分鐘到達,所以先在門口等下,玩下車車先~
之後就叫我哋入去,先交回問卷,再入去面試等候區玩下玩具先~
之後就入去一個課室,聽校長介紹學校,彤彤又開始坐唔定,全程係度四圍走,初初幾次我都無捉返佢返來,但佢次次都係度爭扎同扭計,所以我都由得佢四圍走算了,反正呢間學校都係 for 後備之用,正選一定唔會揀,因為地方細同舊,同埋唔見有 NET 老師,再加上個校長自視過高 (佢介紹學校時講到間學校幾受歡迎,什麼 50 人爭一個位,叫我哋要去考多 d 學校,又話一係轉做大 B,而家改報佢哋學校出年的 N 班)
聽完校長 20 分鐘的自吹自雷後,就可以去大肌肉訓練區,要小朋友玩大件的海綿積木,但彤彤好曳呀,自己唔砌不特止,見其他人砌高了,就走去推跌人哋的積木,又係度掉積木,我已經多番阻止,但都無乜用,佢都仍然照係咁,呢度實扣晒分啦,唉~
之後老師叫小朋友行平行衡再 sir 滑梯,彤彤完全無問題,行得好快,仲唔想我拖住佢行添~
之後老師再叫小朋友行另一條平衡木及獨木橋,之後再行斜路落返地下,前面果位小朋友好驚,行得好慢,彤彤行得好快,又心急想行,成日想過人頭,不過我叫佢等前面位小朋友行埋先,佢都有照做,全程我都無拖彤彤,係佢自己完成的~
老師再叫彤彤去爬隧道,彤彤當然無問題啦,佢返 Playgroup 時都有玩過,不過有小插曲發生咗,就係佢爬晒成條隧道,準備起身行出來時,佢條裙太長,成日都踩住咗,所以我都要幫一幫佢先起到身~
之後老師就叫彤彤同埋另一位小朋友一齊入課室面試~
同彤彤同組的係一位小男孩,都係細 B 來的,老師先問 2 位小朋友叫什麼名字同幾多歲,但 2 位小朋友都無...