[氹仔]貝隆。貝隆日落時光,歡樂放題 | 貝隆餐廳-日落時光
〖2016-11月下旬〗作為一個打工仔,無論係放工出嚟透吓氣、要借助酒精TeamBuilding、想抒發有關老細嘅特殊情感、定係純粹返工返到生無可戀要一醉解千愁,好多時都需要HappyHour。但我之所以會觸發HappyHour呢項活動,通常係因為太早收工,又約咗朋友夜啲去食飯,中間吉咗幾粒鐘,要搵個地方Hea吓。今次嚟咗BanyanTree嘅Belon,全因佢FB嘅「貝隆日落時光」廣告實在賣得太熱烈,搞到我終於忍唔住俾咗錢佢賺。呢個HappyHour時段「酒精放題」,可以由5點飲到9點,除咗紅白酒、啤酒同汽酒呢啲例牌嘢源源不絕咁供應,仲有5款招牌雞尾酒可以...
〖2016-11月下旬〗
作為一個打工仔,無論係放工出嚟透吓氣、要借助酒精Team Building、想抒發有關老細嘅特殊情感、定係純粹返工返到生無可戀要一醉解千愁,好多時都需要Happy Hour。但我之所以會觸發Happy Hour呢項活動,通常係因為太早收工,又約咗朋友夜啲去食飯,中間吉咗幾粒鐘,要搵個地方Hea吓。
今次嚟咗Banyan Tree嘅Belon,全因佢FB嘅「貝隆日落時光」廣告實在賣得太熱烈,搞到我終於忍唔住俾咗錢佢賺。 呢個Happy Hour時段「酒精放題」,可以由5點飲到9點,除咗紅白酒、啤酒同汽酒呢啲例牌嘢源源不絕咁供應,仲有5款招牌雞尾酒可以任飲。
而呢度假假地都係一間餐廳,佐酒小食當然唔止得薯片同魚皮花生,小食有炸物、芝士、水果沙律、火腿、意式烤蔬菜等等,以自助餐形式供應,任你無限Encore,收費是每位Mop188+。 驟眼睇CP值好似中規中矩,但考慮到喺呢挺大酒店求其單點一杯Cocktail都至少要70蚊,宜家飲三幾杯就可以回到本,加埋個幽靜雅緻嘅環境,可以睇住窗外夜幕慢慢低垂,聽住現場鋼琴演奏,格調高人一等,同嗰啲對白來來去去都係「同我吹咗佢啦,講呢啲!」嘅麻甩啤酒局是有分別的。就算喺度講人壞話,都好似會講得零舍Elegant。
而即使你一個人過嚟,都唔怕飲悶酒,皆因服務生同Bartender都會主動同你傾吓偈。
飲吓食吓,話咁易就Hea咗3粒幾鐘。時間差不多,帶住微醺好心情前往下一局,再飲過。
Seductive Sweetheart
內有葡萄柚同檸檬汁,十分醒神。除咗汽酒外,都可以選擇佢作為Happy Hour的第一杯。
Red Lotus
加入了荔枝酒,香氣溫婉,又有蔓越梅汁調味,酸酸甜甜易入口。
Red Pocket
草莓酒做基底,加少少熱情果蓉,又香又甜似飲緊糖水,但其實酒力頗強。
小食以自助餐形式供應。當中我最鍾意幾款烤得軟糯甘甜的烤蔬菜,酒店餐廳果然有番咁上下水準。
澳門悦榕庄三十一樓
888...