【迷】秘書王何綺雲硬食白眼侮辱:匿埋喊好平常! | 何綺雲j
最後更新日期:2017-06-3016:04何綺雲在《迷》終於不用演秘書,做鄭嘉穎差婆上司,絕對係一個突破。(網上截圖/黃國立攝)被網友稱為「御用秘書」的何綺雲,最近在新劇《迷》終於唔駛做秘書,飾演差婆Nat哥,做鄭嘉穎上司,同下屬關係好,又識走精面,但現實中的她剛好相反,不善於交際。她今日出席《迷》宣傳活動接受《香港01》訪問時,她說:「我性格完全唔適合呢行,唔識social,唔講嘢,唔識講嘢,唔係好敢同人打招呼……咁樣機會當然唔多啦,係呢行我要好辛苦先食到一啖飯嘅人,但我好有火,如果唔係我唔會留喺呢到,我唔係好爭取...
最後更新日期:2017-06-30 16:04何綺雲在《迷》終於不用演秘書,做鄭嘉穎差婆上司,絕對係一個突破。(網上截圖/黃國立攝)
被網友稱為「御用秘書」的何綺雲,最近在新劇《迷》終於唔駛做秘書,飾演差婆Nat哥,做鄭嘉穎上司,同下屬關係好,又識走精面,但現實中的她剛好相反,不善於交際。她今日出席《迷》宣傳活動接受《香港01》訪問時,她說:「我性格完全唔適合呢行,唔識social,唔講嘢,唔識講嘢,唔係好敢同人打招呼……咁樣機會當然唔多啦,係呢行我要好辛苦先食到一啖飯嘅人,但我好有火,如果唔係我唔會留喺呢到,我唔係好爭取,但裏面又好想,如果有機會的話,我會好努力去做,我唔會令畀機會我嘅人失望,如果唔係我彌補唔到我待人處事嘅失敗。」
何綺雲經常飾演秘書,她在《愛‧回家》飾演Maggie,形象入屋。(網上截圖)
不擅交際唔埋堆 感激王心慰鼓勵
不是性格巨星扮cool,何綺雲由細到大都不懂交際,她說:「我細個喺街撞到屋企人,我會掉頭走,唔係因為我唔鍾意佢,而係我唔知點做。(係咪有社交障礙?)我諗係啩,但𠵱家好咗好多,我係拍完嘢就走嘅人,唔識social,拍嘢放食飯,如果唔係同事拉住一齊食,我會匿埋自己一個,大家話我係王心慰Amy御用,其實我哋只係工作上溝通,我哋唔會成日傾電話,講親都係公事無其他,但我好多謝佢,每次當我想放棄,Amy就畀個好玩嘅角色我,令我想繼續落去,同佢關係我會覺得大家在心中。」