登高賞美景 | 西貢天梯
01|全港最強:孖崗級數:約3,000級(上山及下山,網友話佢真係數過。)位置:衛徑第1段建議路線:赤柱峽道>孖崗山>淺水灣坳>紫羅蘭山徑>黃泥涌水塘上山難度:4星(5星最難)簡介:一開始就要急上386米嘅孖崗山,長長嘅樓級,絕對係體力大考驗。但可以遠望赤柱及鶴咀,撞啱季節沿路又有茶花欣賞,咁辛苦絕對值得!孖崗望到嘅靚景。02|夠原始:黃龍坑郊遊徑級數:超過2,000級位置:由黃龍坑道起步,沿郊遊徑可到達二東山。上山難度:3.5星(5星最難)賣點:網友精選,穿梭二東山之山谷,物種豐富(夏天多蚊蟲)。沿途可遠望二東、大...
01 | 全港最強:孖崗級數:約3,000級 (上山及下山,網友話佢真係數過。)位置:衛徑第1段建議路線:赤柱峽道 > 孖崗山 > 淺水灣坳 > 紫羅蘭山徑 > 黃泥涌水塘上山難度:4星 (5星最難)簡介:一開始就要急上386米嘅孖崗山,長長嘅樓級,絕對係體力大考驗。但可以遠望赤柱及鶴咀,撞啱季節沿路又有茶花欣賞,咁辛苦絕對值得!
孖崗望到嘅靚景。02 | 夠原始:黃龍坑郊遊徑級數:超過2,000級位置:由黃龍坑道起步,沿郊遊徑可到達二東山。上山難度:3.5星 (5星最難)賣點:網友精選,穿梭二東山之山谷,物種豐富 (夏天多蚊蟲)。沿途可遠望二東、大東,甚至鳳凰山水道嘅瀑布,相當有原始氣息。
樓梯好大級。
03 | 開揚景觀:西貢東洋山級數:超過1,000級位置:衛徑4段,井欄樹起步,可達飛鵝山道。上山難度:3星 (5星最難)賣點:網友精選,由海拔約100米直上500多米山頂,沿途可欣賞九龍、將軍澳及西貢的遠景。
04 | 長樓梯:九龍坑山級數:約1,500級位置:衛徑8段,由大埔頭上沙螺洞,然後走天梯上九龍坑山。終點可以係流水響或鶴藪。上山難度:2.5星 (5星最難)賣點:「天梯」嚟講,佢都算友善,因為梯級唔係太巨型,密密步咁上,都唔算困難。
05 | 玩濕身:梧桐寨級數:不詳 (爬升600米。)位置:林錦公路萬德苑起步,分岔路右邊係天梯 (3.7公里),左邊去梧桐寨瀑布 (4.5公里),終點係四方亭,再上係大帽山山頂。上山難度:3.5星 (5星最難)賣點:穿越瀑布嘅樓梯,確係好特別。
《香港山野天梯大全(上)[1]》出街之後反應好好,多謝!對一個行山作者嚟講,最開心係見到啲留言,只係tag人名,然後一副「R山行」嘅態度。當一篇文可以引到大家去行下山,已經算係成功咗!
而呢次更開心,就係唔少朋友好踴躍提供天梯嘅資料,估唔到「人人心裡都有一座天梯」。我山雞自問才疏學淺,真係要靠大家提點。呢集完咗,大家覺得有咩講漏,歡迎繼續留言提供!
References 香港山野天梯大全(上) (www.gotrip.hk)