【南九州】出發屋久島! | 屋久島過夜運船
ByThrowbackTraveller-下午11:13買左張鹿兒島嘅平機票之後,其實我真係無乜頭緒去邊度玩好。。。話曬計埋頭尾都有七日時間,要hea都要搵下地方㗎~如果有個好少人、好自然個地方俾我行下就好啦!好好彩,經Google大神嘅指點,估唔到我真係搵到一個好少人、好自然嘅地方。佢就係屋久島!一於去番兩日一夜,吸收下天地靈氣。睇到依度,大家都應該好迷惘究竟屋久島係乜東東黎,依家就等我正式介紹一下啦。屋久島究竟係邊呢?屋久島係一個位於鹿兒島以南嘅一個島嶼,同鹿兒島相距超過100公里。圖片來源:GoogleMap屋久島點去㗎?由鹿兒島...
By Throwback Traveller - 下午11:13
買左張鹿兒島嘅平機票之後,其實我真係無乜頭緒去邊度玩好。。。話曬計埋頭尾都有七日時間,要hea都要搵下地方㗎~如果有個好少人、好自然個地方俾我行下就好啦!
好好彩,經Google大神嘅指點,估唔到我真係搵到一個好少人、好自然嘅地方。
佢就係 屋久島! 一於去番兩日一夜,吸收下天地靈氣。 睇到依度,大家都應該好迷惘究竟屋久島係乜東東黎,依家就等我正式介紹一下啦。屋久島究竟係邊呢?屋久島係一個位於鹿兒島以南嘅一個島嶼,同鹿兒島相距超過100公里。圖片來源:Google Map
屋久島點去㗎?由鹿兒島出發嘅話,主要嘅交通係船同埋飛機。如果搭船就有3個選擇,分別係:
Toppy/Rocket 高速船(連結[1]) 折田汽船 渡輪(連結[2]) 鹿商海運 渡輪(連結[3]) Toppy/Rocket 高速船每日有6-7班來回嘅航班,如果由鹿兒島直接去屋久島嘅話大概需要2個鐘。價錢係單程8400円,來回15000円,小童半價。 注意:有啲前往屋久島嘅班次係去宮之浦港,有啲係去安房港。另外,有啲班次會停一停指宿/種子島,船上會有電視話你知依家係邊嘅,唔洗太擔心。另外,依㗎船無咩人搭,早一日/當日先買飛都得。折田汽船 渡輪每日有一班來回鹿兒島同屋久島嘅船,朝早由鹿兒島出發,下晝由屋久島回程,每程要4個鐘。價錢方面,一等座位來回11000円,二等座位來回9500円,小童半價。
鹿商海運 渡輪係夜船,由鹿兒島出發會先係種子島停過夜,再係第二日朝早出發去屋久島。回程就停一停種子島再番鹿兒島。來回費用係6600円至6700円。
搭飛機嘅話就係俾JAL旗下嘅JAC獨市左,一日有超過3班航班,需時大半個鐘左右,來回費用係16000円左右。
搭船定搭飛機好?各有各好啦。
搭船好處係碼頭比較近鹿兒島市中心,同埋比較平,但係就慢啲。
搭飛機就快一倍,但係由鹿兒島市中心去機場就比較遠。但係如果係霧島出發嘅話,去機場就方便好多啦。
屋久島上面交通係點㗎?首先,屋久島係有的士嘅,有44架,你無睇錯到,係得44架。除此之外,巴士亦都會去到最主...