[AM730 新聞] [AM專訪]港鐵女工程師地盤追夢 | 港鐵工程師
[AM專訪]建築業向來是男性主導的行業,單是酷熱的天氣和滿地的泥巴,已令不少年輕一代卻步,遑論是工程學系中屬少數的女生。不過,港鐵兩名女建造經理為圓工程師的夢想,一個竟想出以男性英文名來見工的「絕橋」,另一個更索性不做陀槍師姐,齊齊改落地盤「畫圖則、度設計」。新路綫延誤的消息不斷,兩人承認前線人手的確緊張,已盡量增加使用預製組件,但長遠希望引入新血。 記者:賴銘傑 在英國長大及大學畢業的沙中綫建造經理王玉媚(Sammi),97年隻身來港「闖江湖」,但當年本港最大的工程赤鱲角新機場經已完...
[AM專訪]建築業向來是男性主導的行業,單是酷熱的天氣和滿地的泥巴,已令不少年輕一代卻步,遑論是工程學系中屬少數的女生。不過,港鐵兩名女建造經理為圓工程師的夢想,一個竟想出以男性英文名來見工的「絕橋」,另一個更索性不做陀槍師姐,齊齊改落地盤「畫圖則、度設計」。新路綫延誤的消息不斷,兩人承認前線人手的確緊張,已盡量增加使用預製組件,但長遠希望引入新血。
記者:賴銘傑
在英國長大及大學畢業的沙中綫建造經理王玉媚(Sammi),97年隻身來港「闖江湖」,但當年本港最大的工程赤鱲角新機場經已完工,「作為一個女性係更難搵工,搵咗三個月都冇」。為免兩手空空返回英國,Sammi作出大膽的決定,「嗰陣時喺CV度改咗自己個name(名),Sammi to Sam,亦都Delete(刪除)咗個gender(性別),跟住就得咗第一個interview(面試),即時請咗!」男多女少建互信需時 Sammi在一年半前加入港鐵,並成為首位女建造經理,現時領導一個40人小組,當中九成成員是男性。在男多女少的環境中工作,Sammi笑言男士對她都是「呵護有加」,而她亦避免擺出一副「高高在上」的姿態,「盡量做到team work(團隊工作)同分工合作」。不過,她坦言雙方磨合時間較同性為長,「男任講一句說話,我哋要講十句說話,佢先信你」。
至於港大工程系畢業的高鐵建造經理梁寶寶(Lesly),則是繼Sammi後第二位港鐵女建造經理。不過,她在展開工程生涯前,曾應家人意願在警隊擔任了一年見習督察,「嗰陣時女士係唔容易搵到一份contractor(承建商)嘅工,但我真係想落地盤碌吓」,於是Lesly毅然放棄警隊「鐵飯碗」,由設計工程師做起,一邊累積經驗一邊等待機會,「開頭喺寶琳做design management(設計管理),跟住做過幾條railway(鐵路),真係constuction(建造)嗰邊,包括落馬洲、南環綫同依家高鐵」。
在男性主導的地盤工作,Lesly坦言女性有自己的獨特相處技巧——細心。她解釋:「要行一個TTMS(交通改道),有啲男士經驗仲豐富過我,大我10年無理由唔知,但佢真係...