【周末好去處】屯門後花園偽日本打卡路線!藍地水塘+龍門居夜市 | 藍地好去處
每周好去處嚟屯門唔少人都只會去屯市或者黃金海岸,但其實仲有好多有特色嘅行山路線同靚靚打卡位。今次我依莉詩呢隻屯門牛就約咗YouTuber悶井去屯門後花園玩一日喇!屯門後花園-離市中心5分鐘今日行嘅屯門徑雖然冇菠蘿山咁出名,不過就易行好多,由何福堂中學出發到藍地水塘全程約6.5公里,大部分係石屎路,而且沿途有多個影相位同休息點,絕對適合一家大細!我哋朝早10點出發,拍片、影相連休息大約用咗4個鐘就行完,都算輕鬆。第一站:屯門徑彩虹欄杆由屯門西鐵站B出口出發,行10至15分鐘,穿過杯渡輕鐵站就可以見到何福堂夜中學,...
每周好去處
嚟屯門唔少人都只會去屯市或者黃金海岸,但其實仲有好多有特色嘅行山路線同靚靚打卡位。今次我依莉詩 呢隻屯門牛就約咗YouTuber 悶井去屯門後花園玩一日喇!
屯門後花園 - 離市中心 5分鐘今日行嘅屯門徑雖然冇菠蘿山咁出名,不過就易行好多,由何福堂中學出發到藍地水塘全程約6.5公里,大部分係石屎路,而且沿途有多個影相位同休息點,絕對適合一家大細!我哋朝早 10點出發,拍片、影相連休息大約用咗4個鐘就行完,都算輕鬆。
第一站:屯門徑彩虹欄杆由屯門西鐵站B 出口出發,行 10 至 15 分鐘,穿過杯渡輕鐵站就可以見到何福堂夜中學,旁邊會有條小路,見到麥徑十段嘅木牌就正式出發!雖然沿途有數個退出點,但就無補給站同廁所,建議大家先去屯門市廣場做足準備先上山。而屯門徑第一部分約要行 2小時。當中要先經過一段長長嘅樓梯,先會見到第一個打卡位 -屯門徑「彩虹段」。
Supermami.com.hk▲何福堂輕鐵站旁邊嘅何福堂夜中學就係今次嘅起點,再沿麥徑十段上山。
Supermami.com.hk▲ 經過鄉師自然學校,沿黃色欄柵往上行,初段全部都係樓梯,新手會比較吃力,不過樓梯都算整齊, 相對安全。
Supermami.com.hk▲上完一大段樓梯,會見到街坊自製嘅休息站同路牌,記得喺轉左,向屯門徑方向行呀!
Supermami.com.hk▲整條屯門徑路上都有唔少民間涼亭,仲有個相信喺行山人士建造嘅迷你園林,有竹林有魚池,好別緻!
Supermami.com.hk▲ 上到約150米左右有分岔口,雖然有路牌指住「藍地水塘」,但沿大路行會更易行,而且風景會更開揚,睇到友愛至兆康一帶風景𠻹!
Supermami.com.hk▲ 前行唔遠就會見到一條長長嘅七彩欄杆,喺大自然同屯門河一帶嘅風景下,顏色更顯得夢幻!
Supermami.com.hk▲彩虹欄杆一直伸延到樹陰下,好有日本動畫嘅風味!
Supermami.com.hk第二站:迷你京都風小木橋彩虹欄杆盡頭就已經係第二個打卡位!一條短短嘅小木橋,上面長有青苔,配埋旁邊嘅樹林同流水,好有京都園林嘅風味。
Supermami.com.hk▲ 小木橋雖然好短,但影出嚟就幾特別㗎!