【潮日放送】潛水、 空中飛索、 穿琉球服乜都有沖繩12 樣必玩 ... | 沖繩刺激活動
Well,youknow沖繩最出名浮潛同潛水㗎啦,但若果閣下以為去沖繩淨係日日下海,咁又錯晒!除咗浮潛同潛水,沖繩其實仲有大把活動玩,加上歷史關係,為沖繩文化帶來多方面衝擊,又點只得玩水單調呢?今次我就嚟個沖繩活動大晒冷,話你知沖繩12樣必玩體驗!為咗令各位遊客安排以下沖繩體驗更方便,12樣嘅沖繩活動係按照「活動所需時間」而排列好!【實玩報告】沖繩海上飛索 邊玩邊睇玻璃海#1 海上飛索「MegaZIP」 45分鐘四面環海,在沖繩看海的方法各適其適。好動跳脫的,不妨去到恩納,由高空飛住欣賞沿岸的玻璃海水!區內SheratonOk...
Well,you know 沖繩最出名浮潛同潛水㗎啦,但若果閣下以為去沖繩淨係日日下海,咁又錯晒!除咗浮潛同潛水,沖繩其實仲有大把活動玩,加上歷史關係,為沖繩文化帶來多方面衝擊,又點只得玩水單調呢?今次我就嚟個沖繩活動大晒冷,話你知沖繩 12 樣必玩體驗!
為咗令各位遊客安排以下沖繩體驗更方便,12 樣嘅沖繩活動係按照「活動所需時間」而排列好!
【實玩報告】沖繩海上飛索 邊玩邊睇玻璃海#1 海上飛索「MegaZIP」 45 分鐘四面環海,在沖繩看海的方法各適其適。好動跳脫的,不妨去到恩納,由高空飛住欣賞沿岸的玻璃海水!區內 Sheraton Okinawa Sunmarina Resort 中的遊樂設施 Panza 在今年 1 月底開幕,新增設海上飛索 MegaZip 和 輕量版笨豬跳 GoFall。
尖叫!飛越 250 米玻璃水MegaZip 號稱沖繩唯一海上飛索,玩家可以由 13 米高的海邊跳台出發,即大概 6 層樓高,以時速超過 30 公里飛越海面,極速去到對岸的終點。短短 250 米,以不一樣的角度俯瞰沖繩藍海。採訪當日天氣極好,登上跳台岸邊海色極美,陽光折射出深淺不同的藍。老土點,真的會靚到「嘩」一聲。除了跨出去的第一步,有少少腳軟,之後整個過程都超爽!速度不算特別快,亦不會太有離心力或左搖右擺,還可以輕輕鬆鬆跟腳下泳池和沙灘的泳客揮手。整個過程唔使 30 秒,玩一次唔夠喉,要再 encore!
跳台高 13 米,可以由高空島瞰整個酒店私人沙灘。刺激和速度感只是輕量級,靚景度卻是滿分,即使膽小的女仔都 handle 得到。模特兒沙律第一次玩 zipline,出發前腳震震。但望住呢個靚景,早就忘記恐懼啦!玩要靠運!影兩日先影得完
玩的過程只要 30 秒,但我們採訪拍攝足足用了兩日。為甚麼?原來設施在雨天或風勢太強的時候,設施會即時停止運作,每天早上、下午,職員更會試玩一次,確保安全和風勢 OK,才會開放予觀眾。貼心建議,不妨入住一兩晚喜來登酒店,既可以等大晴天影到靚相才參友,又唔使山長水遠碰門釘。酒店房價約 1,900 港元一晚左右,嫌貴的,非酒店住客亦可以參加,一次價錢只要約 100 港元。
登上高台前,仲需要簽下同意書和安全守則。在職員幫忙下穿好安全裝備。Panza 同...