元朗好去處~6站吃喝玩樂行程:向日葵花海、摘日本提子、甜品 ... | 元朗郊遊好去處
星期六日都每次都要諗行程覺得好麻煩?其實每個區都有好多好玩景點,今次就先為大家介紹元朗嘅各大好去處,有得食又有得玩,仲可以瘋狂打卡影靚相添!第一站:信芯園向日葵花海以為喺香港呢個城市已經再無大自然?估唔到喺元朗新田小磡村嘅信芯園,呢個後花園仲有一大片向日葵花海可以睇到!PhotofromPresslogic園主梁生更相當大方,將自己的農場免費開放,本來啲向日葵係直接賣畀本地嘅花舖,但兩年前佢突然忽發其想:「與其啲咁靚嘅太陽花得自己可以睇到咁嘥,不如打開個門口,畀全香港人都一齊睇到。」PhotofromPressLogic雖然上年...
星期六日都每次都要諗行程覺得好麻煩?其實每個區都有好多好玩景點,今次就先為大家介紹元朗嘅各大好去處,有得食又有得玩,仲可以瘋狂打卡影靚相添!
第一站:信芯園向日葵花海
以為喺香港呢個城市已經再無大自然?估唔到喺元朗新田小磡村嘅信芯園,呢個後花園仲有一大片向日葵花海可以睇到!
Photo from Presslogic
園主梁生更相當大方,將自己的農場免費開放,本來啲向日葵係直接賣畀本地嘅花舖,但兩年前佢突然忽發其想:「與其啲咁靚嘅太陽花得自己可以睇到咁嘥,不如打開個門口,畀全香港人都一齊睇到。」
Photo from PressLogic
雖然上年山竹對佢嘅農場造成咗嚴重嘅破壞,不過梁生同家人、員工並無因此而灰心,今年佢哋捲土重來之後,佢哋嘗試喺荷蘭購入新嘅向日葵種子,打算種「彩虹向日葵」花海,「今年除咗大眼仔、華倫天奴呢啲品種之外,我哋仲想種啲黃、金、橙、紅唔同顏色嘅向日葵,間成一條彩虹咁,7月頭應該睇到!」
Photo from PressLogic
梁生仲好貼心整咗幾部製冷機,同埋更增設咗藍色嘅帳幕畀人遮太陽!任何人都可以嚟呢度打卡、欣賞呢片咁靚嘅向日葵花海,唔使坐飛機去日本。
Photo from PressLogic
交通方面,可以坐九巴76K、綠色小巴76號、紅色小巴17號喺「石湖圍」巴士站落車,沿左邊大水渠直入,行7分鐘左右就到!
Photo from PressLogic
除咗有咁大個人嘅向日葵之外,仲有細細棵嘅向日葵,可以買返屋企種都得!
Photo from PressLogic
另外梁生今年仲特別整咗啲紀念襟章,只要入去佢嘅農場就會免費送返一個,相當有心!
信芯園地址:元朗新田小磡村開放時間:即日起8am-6am
注意事項:1. 花田佈滿泥濘,如果唔想整污糟就,就避免着白色或者新鞋啦!2. 如果要落田影向日葵嘅話,基於安全理由,會有義工陪同,所以每一個大人象徽式收返$60(11歲以下或65歲以上人士除外),而喺花田外觀賞同打卡就免費3. 由於花道狹窄,所以就唔好咁大個背囊,以免會折斷向日葵4. 花田會有蚊同蠓,建議打算行入花田嘅人士,最好預先着定長褲...