【 行山路線:大嶼山分流睇古蹟+隱世優美沙灘!】 | 大嶼山行山路線
東涌站乘搭11號大嶼山巴士[1]到達石壁水塘落車,整理好裝備之後,首先進入鳳凰徑8段,頭3公里都係石屎平坦路相當易行。第一站到達狗嶺涌觀景台,從高處可以望倒白角海灣和嶼南界碑,影完相之後,沿山徑落山,到達狗嶺涌營地[2],呢度有小河和溪澗環境相當之靚,沙灘更是水清沙幼可惜經過暴風洗劫之後,好多大樹都倒冧和枯萎。繼續沿山徑直走,好快就到達分流東灣呢度成個沙灘都係垃圾,滿目蒼痍,希望有關部門可以早日清理。穿過好多垃圾嘅山徑到達分流石荀,呢嚿巨石大約有20尺高,外型真係好似一嚿放大咗嘅竹筍。再繼續前進,到達一...
東涌站乘搭11號大嶼山巴士[1]到達石壁水塘落車,整理好裝備之後,首先進入鳳凰徑8段,頭3公里都係石屎平坦路相當易行。 第一站到達狗嶺涌觀景台,從高處可以望倒白角海灣和嶼南界碑,影完相之後,沿山徑落山,到達狗嶺涌營地[2], 呢度有小河和溪澗環境相當之靚, 沙灘更是水清沙幼可惜經過暴風洗劫之後,好多大樹都倒冧和枯萎。
繼續沿山徑直走,好快就到達分流東灣呢度成個沙灘都係垃圾, 滿目蒼痍,希望有關部門可以早日清理。穿過好多垃圾嘅山徑到達分流石荀,呢嚿巨石大約有20尺高,外型真係好似一嚿放大咗嘅竹筍。
再繼續前進,到達一座巨型古蹟~分流炮台,保存得相當原整,大約有一個足球埸咁大,四邊由石磚堆砌而成,又好似一座四方城,入口處旁邊有石級上樓層,呢座古建築物係小編探索過衆多古蹟之中面積最大嘅。繼續沿分流郊遊徑走,到達分流廟灣, 顧名思義呢度坐立一所天后古廟, 所以名為分流廟灣。
下一站到達分流西灣, 鳳凰徑7段,呢度又係一個長長嘅沙灘 ,又係佈滿垃圾,如果行到呢度用盡食水或乾糧,可以響呢度補給,因為呢度有兩檔士多,可以幫襯一吓。 行到呢度雙腳開始發軟蹄, 但係時候唔早,唯有堅持落去,好快就到達煎魚灣, 呢度對面有一個小島,名為雞翼角。 繼續沿山徑直走,到達了二澳村,係大嶼山最西面,所以看日落就最靚, 最後到達了大澳海濱長廊,完成今次”軟足”旅程呢!
▲東涌站坐大嶼山11號巴士到達石壁水塘落車頭段3公里平坦石屎路好易行
▲遠望白角灣
▲狗嶺涌觀景台
▲狗嶺涌觀景台旁邊就是嶼南界碑
▲狗嶺涌營地
▲狗嶺涌沙灘大樹被暴風吹倒開始枯萎
▲狗嶺涌沙灘
▲狗嶺涌營地有小橋沼澤環境優美
▲分流東灣遠處可以望見分流石荀
▲分流石荀大約有20尺高
▲分流炮台
▲炮台入口
▲炮台入口
▲炮台四面由石磚堆砌而成面積有如ㄧ個足球場
▲小編暫時所見全港最大的古蹟
▲分流西灣
▲整個海灣佈滿垃圾
▲希望有關部門可早日清理垃圾,不過我地要可以同時反思垃圾源頭,減少製造垃圾。...