第二次世界大戰 | 第二次世界大戰起因
第二次世界大戰參戰方同盟國:中國英國法國美國(1941年後)蘇聯(1941年後)同第啲軸心國:納粹德國日本意大利同第啲指揮官同領導者蔣介石富蘭克林羅斯福丘吉爾戴高樂史太林同第啲希特拉東條英機墨索里尼同第啲傷亡同損失士兵死亡:16,000,000人平民死亡:45,000,000人合計死亡:61,000,000人士兵死亡:8,000,000人平民死亡:4,000,000人合計死亡:12,000,000人 第二次世界大戰(粵拼:dai6ji6ci3sai3gaai3daai6zin3),簡稱二戰(ji6zin3),係直到而家為止,人類社會最大嘅一場戰爭,亦係死亡人數最多(粗略估計死咗8300萬人),造...
第二次世界大戰 參戰方 同盟國: 中國 英國 法國 美國(1941年後) 蘇聯(1941年後)同第啲
軸心國: 納粹德國 日本 意大利同第啲
指揮官同領導者 蔣介石 富蘭克林羅斯福 丘吉爾 戴高樂 史太林同第啲
希特拉 東條英機 墨索里尼同第啲
傷亡同損失 士兵死亡:16,000,000人平民死亡:45,000,000人合計死亡:61,000,000人 士兵死亡:8,000,000人平民死亡:4,000,000人合計死亡:12,000,000人第二次世界大戰(粵拼:dai6 ji6 ci3 sai3 gaai3 daai6 zin3) ,簡稱二戰(ji6 zin3),係直到而家為止,人類社會最大嘅一場戰爭,亦係死亡人數最多(粗略估計死咗8300萬人),造成破壞最嚴重嘅全球性戰爭。
戰爭高潮嗰陣,有成61國同地方一齊打,捲入超過17億人。打仗雙方係以美國、蘇聯、中國、英國、法國等國組成嘅反法西斯同盟,同埋以德國、日本、意大利等法西斯國家組成嘅軸心國集團。烽煙遍及歐洲、亞洲、美洲、非洲同埋大洋洲五大洲;打仗雙方同時亦都響大西洋、太平洋、印度洋同埋北冰洋四大洋展開戰鬥。
雖則話響1939年9月前,中國嘅抗日戰爭,埃塞俄比亞嘅抗意戰爭等等嘅反法西斯嘅抵抗已經開始咗,但係一般認為戰爭係由1939年9月1號德國入侵波蘭、英法對德國宣戰開始,去到1945年8月15號(亞洲)/8月14號(美洲)日本向同盟國投降先至完。
歐洲戰線背景[編輯]第一次世界大戰後嘅德國,喺凡爾賽條約下冇咗部份國土、特別係奧地利冇咗,變成獨立國,國防建設俾人管制,唔准有空軍,唔准入口軍火。經濟就因為要賠錢畀人而崩潰。
後來,德國政府開始唔理凡爾賽條約,又想再整大軍隊。保皇派、德國民族主義者同埋前軍隊將領開始質疑凡爾賽條約,德國民族主義者認定一次大戰戰敗係國內嘅猶太人做成。加埋一次大戰時俄國打輸畀德國,德國利用同俄國蘇維埃政府簽嘅布列斯特-立陶夫斯克條約,吞咗俄國9成煤礦、有人口嘅領土,德國開始重整經濟。
1933年開始,由希特拉帶領嘅德國開始走向軍事強國,全國轉到納粹化,成立第三帝國,喺1933至1939年,德國重整軍備就使咗...