【機場排隊攻略】一次過向你傳授重要貼士! | uber機場排隊
1.邊度上落客?落客香港機場有T1同T2兩個客運大樓,就到機場嘅時候可以問問乘客搭咩航空公司或者係需要去邊個客運大樓,咁到時乘客就唔使行嚟行去啦!想知有咩航空公司喺T1或T2? 按此查閱►[1]上客乘客可以選擇喺1號停車場(P1)或4號停車場(P4)嘅上落客區上車。當乘客叫車嗰陣,我哋會詢問佢哋身處嘅抵港大堂,以下係我哋嘅建議:如果佢哋身處抵港大堂A,請你到4號停車場接佢哋(二樓露天上落客區),乘客可沿住標示前往4號停車場,上落客區出口於自動行人步道嘅左邊。如果佢哋身處抵港大堂B,請你到1號停車場接佢哋,乘客可沿住標示前...
1. 邊度上落客?落客 香港機場有T1同T2 兩個客運大樓,就到機場嘅時候可以問問乘客搭咩航空公司或者係需要去邊個客運大樓,咁到時乘客就唔使行嚟行去啦!
想知有咩航空公司喺T1或T2? 按此查閱►[1]
上客 乘客可以選擇喺1號停車場(P1)或4號停車場(P4)嘅上落客區上車。
當乘客叫車嗰陣,我哋會詢問佢哋身處嘅抵港大堂,以下係我哋嘅建議: 如果佢哋身處抵港大堂A,請你到4號停車場接佢哋(二樓露天上落客區),乘客可沿住標示前往4號停車場,上落客區出口於自動行人步道嘅左邊。 如果佢哋身處抵港大堂B,請你到1號停車場接佢哋,乘客可沿住標示前往位於L3層嘅停車場。
2. 幾點比較多乘客喺機場叫車?由黃昏開始多單 根據平台資料顯示,由於黃昏至晚上嘅抵港航班較多,所以下午6點至凌晨2點嘅需求較多,尤其係uberX,好多師兄師姐都可以等一陣就有單。 朝早下午易入難出 同樣道理,朝早同下午嘅離港航班較多,但抵港嘅航班就較少,所以機場出市區嘅需求亦較低,導致易入難出,各位師兄師姐可能要等一段時間先可以成功出返市區。
3. 去邊等單好?自年初開始,我哋已經將機場排隊區域擴展至東涌,最近更伸延至機場維修區。唔單止唔使怕接到東涌或維修區嘅單,各位仲可以去比較易停泊嘅東涌等單。
最受師兄師姐歡迎嘅泊車等單位置包括: 第一位 壩尾路 師兄點評:「通常中午入開機場排隊,我都會去新東涌坑泊車等單兼食個Lunch,特別推介CoCo Cafe!」 第二位 東涌海濱路,碼頭附近 師姐點評:「望住個海景等單,零舍寫意。」 第三位 達東路/東薈城附近 師兄點評:「附近有街泊咪錶。」
順帶一提,機場4號停車場、富東商場以及東薈城都有電動車充電服務,揸電動車嘅師兄師姐可以留意吓。
4. 由師兄師姐提供嘅小貼士留意機場排隊長度 師兄 Alvin:「20部以上即走,雖然睇落好蝕,但出青衣荃灣都只係二十幾公里,time is money」
善用app內免費通訊功能師兄屎單利:「一定要和客人溝通,特別是外國客」(小編:驚要承受長途電話費嘅師兄師姐可以善用呢個功能,喺app內畫面下方輸入訊息同乘客聯絡。)
References 按此...