螢火蟲 | 螢火蟲外觀特徵
螢火蟲jing4fo2cung4(英文:firefly/lightningbug;日文:ホタル,hotaru;學名:Lampyridae),用漢字寫又可以寫做熒火蟲,喺廣東話裏面又有被人嗌做「放光蟲」[註1],係甲蟲多食亞目下嘅一個科,包含超過2,000種物種咁多,主要分佈喺溫帶同熱帶嘅地區。佢哋蟲如其名,最出名嘅特徵係好多物種嘅成蟲都識發光[1]。螢火蟲同第啲甲蟲一樣係行完全變態嘅,一世蟲分四個階段:螢火蟲生命一開始嗰陣係蛋,由蛋度孵咗出嚟之後係(個樣同成蟲爭好遠嘅)幼蟲,幼蟲生到咁上下就會結蛹;個蛹過咗若干時間之後,隻成蟲就會由個蛹嗰度捐出嚟;好...
螢火蟲jing4 fo2 cung4(英文:firefly / lightning bug;日文:ホタル,hotaru;學名:Lampyridae),用漢字寫又可以寫做熒火蟲,喺廣東話裏面又有被人嗌做「放光蟲」[註 1],係甲蟲多食亞目下嘅一個科,包含超過 2,000 種物種咁多,主要分佈喺溫帶同熱帶嘅地區。佢哋蟲如其名,最出名嘅特徵係好多物種嘅成蟲都識發光[1]。
螢火蟲同第啲甲蟲一樣係行完全變態嘅,一世蟲分四個階段:螢火蟲生命一開始嗰陣係蛋,由蛋度孵咗出嚟之後係(個樣同成蟲爭好遠嘅)幼蟲,幼蟲生到咁上下就會結蛹;個蛹過咗若干時間之後,隻成蟲就會由個蛹嗰度捐出嚟;好多種物種嘅螢火蟲啲成蟲都曉發光(螢火),佢哋會用呢啲光嚟求偶[2]-唔同物種嘅螢火蟲,發出嚟嘅光都唔同樣,所以螢火蟲可以靠啲光得知「同自己同種嘅異性螢火蟲喺邊」;亦都有部份嘅螢火蟲啲乸會特登發放出似第啲種嘅螢火蟲嘅光,想引誘第啲種嘅螢火蟲公埋嚟,然後食呢啲螢火蟲公落肚;而無論公定乸,啲螢火蟲通常做完交配繁殖嘅工作之後冇幾耐就會死[3]。
螢火蟲對人類嘅文化有一定嘅影響:有唔少人都覺得螢火蟲細細隻識發光噉好得意,會作創作品講螢火蟲,例如知步里工作室嘅《再見螢火蟲》就好出名;除此之外,螢火蟲亦都會被人攞嚟做旗艦物種-因為唔少人都鍾意螢火蟲,所以會想保育佢哋,而生態學家就會運用呢點,用「呢笪土地有螢火蟲」嚟做賣點做生態保育上嘅宣傳[4]。
基本描述[編輯] 一隻幼蟲噉形嘅螢火蟲乸;佢唔識飛,但個腹部會發光。喺 2006 年嘅德國一角影到嘅相,幅相曝光咗 30 秒;啲螢火蟲喺度飛嚟飛去搵伴侶。一幅 2010 年影到嘅相;幅相展示一隻歐洲放光蟲(Lampyris noctiluca)幼蟲喺度食緊隻蝸牛。 睇埋:甲蟲同埋多食亞目形態[編輯] 睇埋:幼蟲形乸喺形態上,螢火蟲有相當嘅內部差異,喺色水、形狀以至大細上都可以幾唔同:螢火蟲多數都呈啡或者綠噉嘅色,而講大細嘅話,最大嘅螢火蟲物種可以去到成 10 cm 咁長[5];螢火蟲有相當嘅兩性異形,即係公同乸明顯唔同樣-好多種螢火蟲物種都有幼蟲形乸(larviform female),即係啲成蟲乸個樣生到好似幼蟲噉,通常冇翼唔識飛(唔似得公噉有翼識飛),不過會有一啲幼蟲冇嘅特徵,例如係複眼噉,令到專家(同啲螢火蟲公)...