呂生外向呂嘉瑩 | 呂嘉瑩結婚
嘉華國際(0173)主席呂志和乃城中富豪,長子呂耀東近年接掌銀河娛樂任副主席,但第三代則似乎特別低調,未曾現身。直至上周,呂耀東的長女呂嘉瑩(Joanna),罕有地接受訪問,為澳門銀河旗下即將開業的品味生活咖啡館「ChaBai」造勢。「好開心,用咗九個月時間,睇住呢個『BB』出世,原來開一間餐廳唔係想像中咁易。」身為「生娘」的呂嘉瑩,加入家族生意兩年,沒有空降任高職,反而由低做起,現任集團的業務開拓經理。訪問時,有公關、助理左右傍實,但她仍親自背着重甸甸的大紙袋去換衫。「爺爺教我哋要勤奮,屋企所有人都係咁,唔...
嘉華國際(0173)主席呂志和乃城中富豪,長子呂耀東近年接掌銀河娛樂任副主席,但第三代則似乎特別低調,未曾現身。
直至上周,呂耀東的長女呂嘉瑩(Joanna),罕有地接受訪問,為澳門銀河旗下即將開業的品味生活咖啡館「Cha Bai」造勢。「好開心,用咗九個月時間,睇住呢個『BB』出世,原來開一間餐廳唔係想像中咁易。」
身為「生娘」的呂嘉瑩,加入家族生意兩年,沒有空降任高職,反而由低做起,現任集團的業務開拓經理。訪問時,有公關、助理左右傍實,但她仍親自背着重甸甸的大紙袋去換衫。「爺爺教我哋要勤奮,屋企所有人都係咁,唔會特別去ball,亦無興趣。」
做實事,就是呂家本色。
餐廳牆飾有巨型白色和粉紅色的皮製山茶花,有如置身童話世界,「我好鍾意大自然,平時有時間會去行山、做瑜伽,我嘅壓力係自己畀自己,其實最重要做好本份,做個好人已經夠。」
訪問這天,呂嘉瑩比記者更早到達咖啡館,忙於跟員工開會和培訓。她創辦的品味生活咖啡館,佔地五千五百呎,注重健康的她,親自為餐廳設計健康的菜式,原來是源自家中的飲食習慣。
「媽咪對飲食好講究,連用油都好小心,話用芥花籽油可能會生癌、橄欖油唔可以高溫。喺屋企食飯好清淡,蒸魚、炒菜,全部少油少鹽。佢又識煲好多保健湯水,夏天會煲冬瓜茶、清補涼;冬天會燉雪梨同蘋果,我喺媽咪身上學到好多。」
父母又經常帶她周圍搵食,體驗本地和外國飲食文化。「喺香港會周圍去試食雞蛋仔、拮魚蛋。我好鍾意整蛋糕、曲奇餅、缽仔糕,會研究點樣整得健康啲,又會畀爺爺、嫲嫲同朋友試食,一齊分享開心啲。」
呂家熱愛飲茶文化,令她自小愛上茶和收藏茶杯,首次創業更以「Cha Bai」(茶杯)為餐廳命名,「爹哋、媽咪食完飯會一齊飲茶,通常飲普洱,可以消滯。靚嘅普洱好好飲,我出街食飯,有得揀都會試啲特別嘅茶,又會飲中性嘅六安茶,唔寒涼,老少都飲得。」
她做酒店,經常到世界各地的酒店考察,該相片攝於米蘭某酒店。爺爺呂志和(右)擁有百億王國...