仁川江華島Luge斜坡滑車 | 韓國斜坡滑車luge world
斜坡滑車源自紐西蘭,17年响韓國慶尚南道統營市開咗一條1.5km滑道SkylineLuge,之後响江原道洪川有條850米嘅Lugeworld.。18年再於仁川江華島同慶尚南道梁山市開咗長1.8kmMegaLuge同全球最長2.2kmEdenValleyluge嘅滑車道。韓國其他地方都有新嘅滑車場,但規模都比較細,要盡情咁玩,由首爾出發的話一定係去江華島呢個。由首爾出發要玩斜坡滑車嘅話可以揀江華島或洪川嘅車場,但洪川嘅滑車道只係得850米,真係短咗少少,而江華島嘅就有2條唔同滑車道,而且有1.8km咁長,係咪都係要坐程長途車,咁當然去玩條長啲嘅車道先夠喉啦!今次就介...
斜坡滑車源自紐西蘭,17年响韓國慶尚南道統營市開咗一條1.5km滑道Skyline Luge,之後响江原道洪川有條850米嘅Luge world.。18年再於仁川江華島同慶尚南道梁山市開咗長1.8km Mega Luge同全球最長2.2km Eden Valley luge嘅滑車道。韓國其他地方都有新嘅滑車場,但規模都比較細,要盡情咁玩,由首爾出發的話一定係去江華島呢個。 由首爾出發要玩斜坡滑車嘅話可以揀江華島或洪川嘅車場,但洪川嘅滑車道只係得850米,真係短咗少少,而江華島嘅就有2條唔同滑車道,而且有1.8km咁長,係咪都係要坐程長途車,咁當然去玩條長啲嘅車道先夠喉啦!今次就介紹下首爾近郊嘅江華Luge。 由首爾出發到江華Seaside resort luge車場,最簡單方便嘅方法當然係租架車自己揸去又或者包車去啦!不過對於無車牌又或者唔想畀2百幾萬won,即大約千七蚊港紙包車去玩嘅話,咁就要識自己坐巴士去玩喇。我哋就真係hea咗啲,11點先由明洞酒店出發,去到江華滑車場已經係2點喇。究竟點解會用咗咁長時間先去到呢?我哋去程係由乙支路3街坐2號線到新村站(신촌역) 4號出口出,之後直行到CGV戲院前嘅巴士站,坐巴士前當然上去戲院借個廁所用下先啦!去完廁所,落番去等3000號巴士,就係咁,由乙支路3街出發到上到巴士就用咗30分鐘。呢架3000號巴士係由新村站出發,總站為江華旅客自動車站(강화여객자동차터미널) ,即江華巴士站,於總站落車。記得買張交通咭响韓國坐公共交通工具呀!因爲用同一張咭轉乘嘅話只會收番個差額,即係由乙支路出發到江華巴士站只係需要2,900won,仲有記得落巴士時要再拍咭。呢架巴士我哋坐咗2個鐘,本身嚟呢個江華巴士站係想去埋附近由一間紡織工場改建而成嘅咖啡店,但到江華巴士站已經1點40分,咁就放棄咗個cafe,直接坐的士去滑車場。 上的士跟司機講要去江華Seaside resort (강화 씨사이드리조트),地址係인천광역시 강화군 길상면 선두리 4-5就可以去到滑車埸。由江華巴士站坐的士到resort要30分鐘車程,的士費為18,000won,都貴貴地同耐耐地。呢個方法由新村站到滑車場就用咗2個半鐘嘅時間。
新村站(신촌역) 4號出口CGV戲院前巴士站 3000號巴士 雖然出發前有食個烏冬,但去到滑車場已經好肚餓,先醫好個肚先...