北上揼骨兩男藝人被野捕 | 平安水會
香港人生活緊張,所以好多人閒時都愛北上按摩鬆一鬆!其實藝人都唔例外,日前有兩位男藝人約埋一齊北上揼骨,點知就被場內工作人員認出兼野捕!而嗰兩位男藝人係‧‧‧...就係楊明同韋家雄!二人到福田區平安國際水會按摩,該場開業冇耐,可能二人貪新鮮想試新嘢啦!該場除了提供一般中、泰式按摩服務外,更有韓式及港式按摩服務,而港式即「飛機餐」,相中可見二人精神奕奕笑得好冧,相信一定對該場服務感到好滿意喇!而韋家雄拎住銀包同工作人員合照,應該係完事後臨離開被野捕。網友回應:有網民了解狀況之後,表示「呢間好貴」,亦...
香港人生活緊張,所以好多人閒時都愛北上按摩鬆一鬆!其實藝人都唔例外,日前有兩位男藝人約埋一齊北上揼骨,點知就被場內工作人員認出兼野捕!而嗰兩位男藝人係‧‧‧
.
.
.
就係楊明同韋家雄!二人到福田區平安國際水會按摩,該場開業冇耐,可能二人貪新鮮想試新嘢啦!該場除了提供一般中、泰式按摩服務外,更有韓式及港式按摩服務,而港式即「飛機餐」,相中可見二人精神奕奕笑得好冧,相信一定對該場服務感到好滿意喇!而韋家雄拎住銀包同工作人員合照,應該係完事後臨離開被野捕。
網友回應:有網民了解狀況之後,表示「呢間好貴」,亦有熟路巴打表示「打個飛機都要管,做藝人真係慘」,更有知情人士爆料「 福田平安桑拿,佢地係股東嚟㗎⋯⋯」
家英哥絕對係圈中最資深嘅骨精之一!早年經常流連不同大小骨場,更曾被按摩女郎爆料指為佢提供「飛機餐」,事後家英哥話只為救骨妹出火坑喎。
譚詠麟亦係愛揼骨之人,更被傳於某骨場媾女知客Mandy,之後以電話攻勢贏得美人歸,成為緋聞情人後,Mandy即辭去知客一職。
王敏德曾被本刊拍到經常流運骨場,借按腳之名,跟女方孤男寡女共處一室短聚兩個鐘,期間女方毫不避嫌咁嗲聲嗲氣服侍,二人關係相當曖昧!
去年發生背妻偷食事件,彭順居然仲有心情同一男性朋友去按摩!據目擊者稱,當時佢挑選女技師鬆鬆骨,約45分鐘就同友人雙雙去休息區,將椅子移到電視機前排安坐,以大背脊擋住他人視線,半攤坐着電話冇離手,同朋友吹水天南地北,玩得好梳乎!