海底隧道(香港) | 紅隧收費
九龍去香港島嘅香港海底隧道入口海底隧道(英文:Cross-HarbourTunnel),又叫紅磡海底隧道,簡稱紅隧、海隧,係香港第一條過海行車隧道。佢好快就代替渡輪嘅地位,每日車流量龐大,所以成日塞車。所以之後再起東區海底隧道、西區海底隧道同埋多條過海鐵路,幫佢分擔交通流量。海底隧道係1969年9月1號動工,1972年8月2號通車,耗資3.2億港元。隧道全長1.86千米,車速限制每個鐘70公里。穿過維多利亞港,將九龍半島同香港島兩岸獨立嘅道路網絡連埋一齊。隧道由香港隧道有限公司以「建造、營運、移轉」形式興建同經營,專營權喺1999年9...
九龍去香港島嘅香港海底隧道入口海底隧道(英文:Cross-Harbour Tunnel),又叫紅磡海底隧道,簡稱紅隧、海隧,係香港第一條過海行車隧道。
佢好快就代替渡輪嘅地位,每日車流量龐大,所以成日塞車。所以之後再起東區海底隧道、西區海底隧道同埋多條過海鐵路,幫佢分擔交通流量。
海底隧道係1969年9月1號動工,1972年8月2號通車,耗資3.2億港元。隧道全長1.86千米,車速限制每個鐘70公里。穿過維多利亞港,將九龍半島同香港島兩岸獨立嘅道路網絡連埋一齊。
隧道由香港隧道有限公司以「建造、營運、移轉」形式興建同經營,專營權喺1999年9月1號屆滿。海底隧道南端出入口位於港島灣仔區嘅奇力島,因工程關係,個島已經連埋香港島。北端出入口位於紅磡灣填海區。收費廣場位於紅磡灣出口,一共有16個收費亭,其中10個係人手收費亭,兩個係專利巴士專用嘅快易通自動繳費亭,而剩番4個係快易通專用嘅自動繳費亭。2017年12月3號起,駕駛人士可以喺海底隧道嘅人手收費亭,用八達通或本地發行嘅非接觸式信用卡(包括Visa payWave、感應式Mastercard同銀聯閃付)拍卡畀隧道費。
海底隧道係香港最繁忙嘅4線行車隧道之一,亦係香港最繁忙、使用率最高嘅道路,其次係東區海底隧道。佢雙線雙程行車嘅舊式設計唔足以應付日漸增長嘅行車流量,所以隧道嘅行車流量喺1982年已經飽和,往港島方向幾乎每日上下晝繁忙時間(尤其係朝早8點至10點)例必塞車。因此除隧道收費外,由1984年6月1號起,當局向所有車輛徵收隧道稅,希望減低流量,但成效甚微,後來政府決定喺1986至1989下半年起東區海底隧道以分流部分車輛嚟減輕壓力。
紅隧九龍入口喺港鐵紅磡站旁邊,由於東鐵綫暫時未過到海,唔少新界東嘅居民會先搭東鐵綫到紅磡站,再喺紅隧收費廣場嘅巴士站轉過海巴士,特別係朝早返工時間,過海隧道巴士站經常逼滿乘客,排隊上車嘅人龍有時更排到連接港鐵紅磡站嘅天橋。因此,巴士公司會喺繁忙時間為部分路線安排吉車去過海隧道巴士站疏導乘客。
通車儀式[編輯]1972年8月2號,第25任香港總督麥理浩爵士(Baron MacLehose of Beoch)主持剪彩儀式,宣布紅磡海底隧道正式通車。電視藝人沈殿霞坐一架老爺車,駛...