【芳療小分享】暈車浪必備精油大公開 荔枝孖媽 | 薄荷精油 暈車
![【芳療小分享】暈車浪必備精油大公開 荔枝孖媽](https://i.imgur.com/axBPWDg.jpg)
大家出遊時最擔心發生咩事?唔舒服、唔見嘢、迷路等等?!有一樣可能係最不為人留意,但又係最困擾嘅,就係暈車浪。有朋友仔一坐長途機,長途巴士,或者坐船,未到步就已經要叫救命!其實暈車浪嘅醫學名稱係「MOTIONSICKNESS」。我們嘅腦部會透過眼睛和內耳朵嘅半規管來感應空間感。當我哋置身喺交通工具之中,內耳會感覺到細微且肉眼睇唔見嘅身體移動,當大腦接收到呢兩邊分歧嘅訊息時,就有可能會形成暈眩嘅感覺,有人更甚可能會出現噁心、嘔吐同冒汗嘅徵狀。【編按:作者為荔枝孖媽】相信好多人都會見到公公婆婆坐車坐船時,會預先...
![【芳療小分享】暈車浪必備精油大公開 荔枝孖媽](http://pix5.agoda.net/hotelimages/334/334736/334736_15081113530034038545.png?s=800x)
大家出遊時最擔心發生咩事?唔舒服、唔見嘢、迷路等等?! 有一樣可能係最不為人留意,但又係最困擾嘅,就係暈車浪。有朋友仔一坐長途機,長途巴士,或者坐船,未到步就已經要叫救命!其實暈車浪嘅醫學名稱係「MOTION SICKNESS」。我們嘅腦部會透過眼睛和內耳朵嘅半規管來感應空間感。當我哋置身喺交通工具之中,內耳會感覺到細微且肉眼睇唔見嘅身體移動,當大腦接收到呢兩邊分歧嘅訊息時,就有可能會形成暈眩嘅感覺,有人更甚可能會出現噁心、嘔吐同冒汗嘅徵狀。【編按:作者為荔枝孖媽】
相信好多人都會見到公公婆婆坐車坐船時,會預先搽定藥油止暈,無奈當我一聞到呢啲藥油味時,本來明明唔想嘔就會反而搞到想嘔,好大件事!暈車浪嗰陣成身都無力,個胃又好似攪下攪下咁,成身唔多舒服,呢種無能為力嘅感覺,相信無咩人會喜歡。
有無諗過自己都可以動手DIY支止暈止嘔成份全天然嘅精油滾珠旁身呢?
以下就同大家分享一個超簡單嘅方法:
DIY止暈Roll On滾珠:
村料:4滴 Peppermint Essential Oil 薄荷精油+10ml 綜合複方純植物油 混合在一支Roll On滾珠中。
用法:可以搽喺太陽穴,胸口同胃下嘅位置,亦可以直接吸入助舒緩。有時我會將精油滴喺紙巾上吸入,來達到安撫效果。亦可以令唔舒服嘅身體得到放鬆,不安嘅心靈同時得到安慰。
其他建議可用嘅精油:
Grapefruit Essential Oil 西柚精油Bergamot Essential Oil 佛手柑精油Ginger Essential Oil 薑精油Lavender Essential Oil 薰衣草精油Frankincense Essential Oil 乳香精油Geranium Essential Oil 天竺葵精油
另外,出發前可以選擇食比較清淡嘅食物,又可以喺搭車之前1小時左右,飲定薄荷茶。仲有可以預備話梅、生薑片等。因為梅喺我地消化之後,可有效中和體內酸性,亦對預防暈車浪有一點效果。