【移居澳洲】澳洲租屋有乜選擇?租樓流程係點? | 澳洲租屋app
除了大家熟悉的House,大城市亦有不少人喜歡租住新型及設施齊全的Apartment。移居澳洲唔少人會先選擇租屋住,究竟租屋有乜選擇、流程係點、有乜細節要留意?租盤類型選擇揀租盤,第一步係了解一下租盤類型。大家印象中唔少澳洲人假日時都會在家中花園BBQ,想體驗假日BBQ就要租House住。澳洲House一般係一至兩層平房,設有獨立花園,品質最佳係磚建成的House,堅固又冬暖夏涼。至於木製House租金平但夏天較熱冬天較凍,亦較易有蚊蟲入屋問題。另一較常見係聯排別墅Townhouse,一般為兩層,一樓係廚房、洗手間、起居室或客廳,二樓係睡...
除了大家熟悉的House,大城市亦有不少人喜歡租住新型及設施齊全的Apartment。
移居澳洲唔少人會先選擇租屋住,究竟租屋有乜選擇、流程係點、有乜細節要留意?
租盤類型選擇
揀租盤,第一步係了解一下租盤類型。大家印象中唔少澳洲人假日時都會在家中花園BBQ,想體驗假日BBQ就要租House住。澳洲House一般係一至兩層平房,設有獨立花園,品質最佳係磚建成的House,堅固又冬暖夏涼。至於木製House租金平但夏天較熱冬天較凍,亦較易有蚊蟲入屋問題。
另一較常見係聯排別墅Townhouse,一般為兩層,一樓係廚房、洗手間、起居室或客廳,二樓係睡房及浴室。Townhouse雖然花園較細,但樓底較高,通風及視野都唔錯。
澳洲租盤較常見的選擇
小家庭在大城市落腳會傾向選擇Apartment,Apartment至少為三層以上住宅大廈,每層有多個單位,大廈內部通常會提供洗衣房,部分甚至會有健身室、泳池等康樂設施。至於Unit算係入門版Apartment,一般為二至三層,不設康樂設施,樓齡較舊的Unit像唐樓要行樓梯,樓齡較新會提供電梯。
租屋都有旺淡季
搵租盤最直接途徑係地產網站,澳洲搵盤最常用三個網站係RealEstate.com、Domain.com及Rent.com。RealEstate.com[1]除提供租盤搜尋服務,亦提供搜尋中介服務,甚至尋找室友夾錢租屋服務。Domain.com[2]優勢係搜尋條件夠精準,可選擇停車位、免按金、自設Keyword等進階搜尋功能。Rent.com[3]專注於租盤服務,並提供信用評級查詢、按金借貸、租金付款等額外服務。
要留意係熱門地區租屋有旺淡季之分,例如悉尼冬天(六月至八月)係淡季,而達爾文濕季(Wet Season)(十月至四月)亦係淡季。淡季好處係少租客爭租盤選擇較多,不過凍或濕天氣就較難捱。
澳洲唔少業主會將自己間屋房間分租出去,但要留意這類租盤未必會提供租約,原因係業主想避稅。既然你唔係留學生,不論你係夫婦二人或三、四人小家庭,最好都係避開呢類租盤,並搵中介幫手搵租盤,確保租樓有認可租約。皆因日後申請永居須提交有效住址證明,有租約在手就方便申請。
澳洲租屋須準備多項身份及收入證明文件