愛·回家之開心速遞 | 愛回家之開心速遞 May
《愛·回家之開心速遞》(英文:ComeHomeLove:LoAndBehold)係香港無綫電視製作嘅時裝處境喜劇,由劉丹、湯盈盈、呂慧儀、單立文、陳浚霆、蘇韻姿、林淑敏、滕麗名、周嘉洛領銜主演,監製羅鎮岳同林建祥(第71集開始),由2017年2月20號開始逢禮拜一到五20:00-20:30喺翡翠台首播,並由2019年12月30號開始擴展做逢禮拜一到日晚晚都播。呢套劇起初係用「熊氏一家」嘅生活作為故仔嘅主要背景,其後因應故事發展,個故仔亦都隨住熊家各人嘅工作同就學嘅地方而延伸出「速熊運輸」、「威龍百貨」、「龍氏家族」、「尋寶圖網店」、「香港島大...
《愛·回家之開心速遞》(英文:Come Home Love: Lo And Behold)係香港無綫電視製作嘅時裝處境喜劇,由劉丹、湯盈盈、呂慧儀、單立文、陳浚霆、蘇韻姿、林淑敏、滕麗名、周嘉洛領銜主演,監製羅鎮岳同林建祥(第71集開始),由2017年2月20號開始逢禮拜一到五20:00-20:30喺翡翠台首播,並由2019年12月30號開始擴展做逢禮拜一到日晚晚都播。
呢套劇起初係用「熊氏一家」嘅生活作為故仔嘅主要背景,其後因應故事發展,個故仔亦都隨住熊家各人嘅工作同就學嘅地方而延伸出「速熊運輸」、「威龍百貨」、「龍氏家族」、「尋寶圖網店」、「香港島大學」、「泰池運輸」、「道德重整會小學」等虛擬機構、組織同人物,並發展多個場景同人物關係、感情線。
呢套劇係愛·回家系列嘅第四輯故仔,好似《八時入席》噉,但故仔背景、角色都同之前各輯無關連。
劇集最初得180集,後來因為收視唔錯而多次添食,2019年9月9號宣布加到900集,而電視台發佈嘅2020年6月節目表顯示暫定加到1110集[5]。
呢套劇喺2019年6月24號播出嘅第606集錄得32.3點,係呢套劇播出以嚟收視最高嘅一集。
第1集到第224集用咗純音樂版本嘅Latin Soul Strut做主題曲。 第225集開始改由黃心穎主唱嘅《在心中》做主題曲。2019年4月16號,黃心穎爆出安心偷食事件,好多網民唔滿意電視台繼續播佢首歌,電視台就喺第二日(第558集開始)決定喺香港翡翠台版本將主題曲改成純音樂版,而海外版就喺第562集開始改用。 第606集開始,再改主題曲做《開心速遞》,由湯盈盈、呂慧儀、蘇韻姿、滕麗名、周嘉洛、吳偉豪、林淑敏、鄭世豪、張景淳、單立文、許家傑(片尾統稱做「一家人」)主唱。 第1327集開始,再改主題曲做《愛心灌溉》,由王灝兒主唱。其中兩句歌詞好容易誤聽成「無家的溫暖」同「將個天塌下來」。 呢版要更新,以反映最新情況。加完料之後唔該拎走個模。熊家相關人物[編輯] 演員 角色 暱稱/關係 登場集數 退出集數 劉丹 熊樹根 根叔﹑Tree Gun﹑淫根 1 單立文 熊樹仁 阿叔 1 滕麗名 熊尚善 阿善、大妹 67 呂慧儀 熊若水 阿水﹑Mary﹑Mary姐、二妹 1 蘇韻姿 熊心如 阿如、細妹、紅衫魚 1 ...