睇場篇(14) – 荃灣如心酒店Sky Lounge | 如心酒店出門2019
呢個場係esd度不斷睇野度見到既,較新和超少人係度擺酒。 今次睇41/F既SkyLounge,兩邊落地大玻璃,一邊係青馬大橋景,一邊係萬景峰樓景和街景。有d地方既玻璃係夜晚反光,睇唔到出面既景色,但呢度睇到。 雖然話可以擺25圍,但擺15-18圍係最perfect既。 若想揀呢度出門既要考慮一下,因無套房。一係打通2間尾房,一間係新娘化妝,另一間玩新郎;另一個方案係租一間房,新娘躲在一角。 麻雀耍樂既地點係一條長走廊,中間有個位既地板係玻璃,可直望地下。 好處:1. 5星級酒店,但價錢ok2. 個場幾靚,兩邊落地大玻璃3. 有...
呢個場係esd度不斷睇野度見到既,較新和超少人係度擺酒。
今次睇41/F既Sky Lounge,兩邊落地大玻璃,一邊係青馬大橋景,一邊係萬景峰樓景和街景。有d地方既玻璃係夜晚反光,睇唔到出面既景色,但呢度睇到。
雖然話可以擺25圍,但擺15-18圍係最perfect既。
若想揀呢度出門既要考慮一下,因無套房。一係打通2間尾房,一間係新娘化妝,另一間玩新郎;另一個方案係租一間房,新娘躲在一角。
麻雀耍樂既地點係一條長走廊,中間有個位既地板係玻璃,可直望地下。
好處:
1. 5星級酒店,但價錢ok
2. 個場幾靚,兩邊落地大玻璃
3. 有電梯直達sky lounge,唔駛同人爭搭電梯
4. 樓底雖然唔係非常高,但11呎都幾ok架啦(可能之前睇得太多矮場)
5. Reception既decoration幾好,可以將d錢擺係backdrop度(因酒店original既backdrop麻麻地)
6. 全層都係自己既
7. 15圍可包場
壞處:
1. 太新,service未必好,part-time員工多
2. 離荃灣港鐵站遠,約15分鐘;但在荃灣西港鐵站行過去就5分鐘到
3. 酒店多內地客,晚上大堂人頭湧湧,down grade晒
4. 無新娘房,會係下一層既酒店房做新娘房(package送既),較麻煩
5. 上網人地話食物質素麻麻和份量較少
6. 一入大堂正面望過去既電梯係上唔到去sky lounge,若賓客無留意水牌既可能會搭錯電梯。一旦搭上去係會有圍板間開左,行唔到過去會場(最好係請帖度附加指示,要搭右邊既電梯)
7. 天花板係鳥巢design,會見到d喉管,麻麻地(但若細心留意,間酒店有d地方都係鳥巢天花板(e.g.停車場)
8. ...