山手綫 | 山手線站名
出自維基百科,自由嘅百科全書山手線列車山手線(粵拼:saan1sau2sin3)係日本東京嘅通勤鐵路線之一,由東日本旅客鐵道(JR東日本)經營。列車運行路線全長34.5公里,共行經29個車站,全程(一次環狀運轉)大概61分鐘。路線代表色係黃綠色■。(註:山手線嘅定義分為「路線名」同「列車運行」兩種。前者嘅範圍只限於品川站~新宿站~田端站段路線;後者就係包括JR東海道線、東北線部份路段在內嘅營運區間。本條目中關於山手線嘅描述,亦係「列車運行」定義上嘅山手線。)山手線係東京都心部最大嘅鐵路運輸動脈,亦係東京鐵道路網嘅骨幹...
出自維基百科,自由嘅百科全書
山手線列車山手線(粵拼:saan1 sau2 sin3)係日本東京嘅通勤鐵路線之一,由東日本旅客鐵道(JR東日本)經營。列車運行路線全長34.5公里,共行經29個車站,全程(一次環狀運轉)大概61分鐘。路線代表色係黃綠色■。
(註:山手線嘅定義分為「路線名」同「列車運行」兩種。前者嘅範圍只限於品川站~新宿站~田端站段路線;後者就係包括JR東海道線、東北線部份路段在內嘅營運區間。本條目中關於山手線嘅描述,亦係「列車運行」定義上嘅山手線。)
山手線係東京都心部最大嘅鐵路運輸動脈,亦係東京鐵道路網嘅骨幹之一,目前全線用JR東日本開發嘅E231系電車行。環狀嘅運行路線連結都心部眾多主要地區;同大阪市嘅JR大阪環狀線同樣係日本都市通勤鐵路嘅代表。喺都市發展上,山手線已大致成為都市中心區域同市郊地帶嘅分界、鐵道交通轉接點。
由於東京地下鐵路線大多喺山手線環狀區間內側交錯佈設,私營鐵路線亦大多自環狀區間外側,向市郊呈放射狀分布,因此山手線嘅29個車站當中,有24個係除JR路線外其他路線嘅轉乘站。除咗可以轉新幹線嘅傳統轉線大站—東京站同上野站,以及同樣可以搭新幹線嘅品川站之外,西半邊嘅營運區間亦有池袋站、新宿站、澀谷站等幾條私鐵同地下鐵路線共同匯集嘅大型轉乘站,伴隨副都市中心嘅發展而出現。無論而家已有幾條地下鐵路線同私鐵路線相互直通運轉,但係山手線嘅地位並未受到影響。
運轉方式同特色[編輯] E231系電車上嘅列車運行資訊顯示螢幕山手線列車喺環狀嘅運行路線上,都係循固定方向往復行。列車運轉模式分為「外圈」(外回 り,順時針方向)同「內圈」(内回 り,逆時針方向):
外圈:大崎站→澀谷站→新宿站→池袋站→上野站→東京站→品川站→大崎站 內圈:大崎站→品川站→東京站→上野站→池袋站→新宿站→澀谷站→大崎站(時間表上以大崎站作為列車每一次環狀運行間嘅分隔站。)
山手線嘅營運區間同好多其他JR路線嘅部份營運區間構成並行嘅關係,例如東半邊營運區間同JR東海道新幹線、東北新幹線、東海道線、東北線、京濱東北線、橫須賀線、總武線(快速)、中央線(快速/本線各站停車/中央‧總武線各站停車)、常磐線(快速/普通快速);西...