深圳一日遊2 #3 中心城連城新天地 | 連城新天地地圖
28/4/18晴深圳一日遊2SueandRaymond28April2018#3中心城連城新天地 步出皇庭廣場,過條馬路就到會展中心站另一個大型商場中心城.中心城係個向下發展既商場,外邊望以為得一層好細,但原來向下伸延兩層,接駁地鐵站.先行地面外圍四邊好有feel的食街,沿路盡是餐廳,見到好幾間係Youtuber介紹過既,亦見到啲新餐廳好想試,頹啲既就有香港既餐廳.深圳人真係好喜愛食魚,真係有好多食魚既餐廳,有機會真係要幫襯一下.經過大型超市家樂福門口,好奇有興趣想行,但唔夠時間,唯有將來再去. 入番商場,都仲有唔少特色食店,可以mark低下次北上再黎試!響其中...
28/4/18 晴
深圳一日遊 2 Sue and Raymond 28 April 2018#3 中心城 連城新天地
步出皇庭廣場,過條馬路就到會展中心站另一個大型商場中心城.中心城係個向下發展既商場,外邊望以為得一層好細,但原來向下伸延兩層,接駁地鐵站.先行地面外圍四邊好有feel的食街,沿路盡是餐廳,見到好幾間係Youtuber介紹過既,亦見到啲新餐廳好想試,頹啲既就有香港既餐廳.深圳人真係好喜愛食魚,真係有好多食魚既餐廳,有機會真係要幫襯一下.經過大型超市家樂福門口,好奇有興趣想行,但唔夠時間,唯有將來再去.
入番商場,都仲有唔少特色食店,可以mark低下次北上再黎試!響其中一個門口外面,就係拍得住喜茶咁受歡迎既奈雪之茶.呢間奈雪之茶好大間,出面都有露天座位,都有好多人幫襯.睇過Youtuber的介紹,奈雪之茶一杯杯野飲又係做到好靚,味道方面有啲款式無喜茶咁好,有啲又好過喜茶,都係值得一試之選,我地下次黎玩就會試呢間.
奈雪之茶旁邊就係通去連城新天地的入口,連城新天地其實係一個地下街商場,連接住會展中心站及購物公園站,亦會通往鄰近的建築物.但因為我地第一次黎呢頭,唔熟環境,所以向熱鬧既方向行下行下,行左番去會展中心站,索性搭一個站地鐵去購物公園算.地下街明顯無高級商場咁靚,餐廳亦更趨平民,連大快活都有真係估你唔到.連城新天地分左幾個區域,有零售,有飲食,我地今次主要行左飲食果邊.
去到購物公園,第一時間就係搵平安金融中心6樓既上海杭幫菜桂滿隴,因為要一早下午三點半就黎攞籌,否則夜晚唔駛旨意食到.成座大廈都係新起既,幾乎毫無商店入伙,已進駐既都係餐廳,睇黎專做附近上班一族生意.拎完籌號放心晒,因為只要攞左飛,就算夜晚過左籌號,只要順延等多三四張檯,就有得入座,換言之你中意幾時返去攞位都得.跟住就過去隔離星河COCOPARK,期待已久,即刻衝去喜茶!
取得本站獨家住宿推薦 15%OFF 訂房優惠
連城新天地
連城新天地位於深圳福田區福華路地底,前身是興建深圳地鐵1號綫時一併興建的人防設施,是深圳的一座地下街式商場。商場連接深圳地鐵崗廈站、會展中心站、購物 ...