臺北靈糧堂 | 靈糧堂是什麼
靈糧堂(BreadofLifeChristianChurch)係1943年由趙世光牧師係中國上海創辦嘅基督教獨立教會。一般嚟講,目前靈糧堂嘅真正發展應該係1954年喺台北成立靈糧堂之後。亦因為咁,依家喺好多資料上,靈糧堂亦稱為台北靈糧堂。至今,台北靈糧堂喺全世界設咗一共168個分堂。不過講就咁講,1990年後,仍然有唔少靈糧堂分堂同台北靈糧堂系統毫無關係,好似香港靈糧堂。1943年資深牧師趙世光喺中國上海設立嘅上海靈糧堂同中國靈糧世界佈道會。開始喺中國華東一帶以設立分會與出版刊物方式傳授基督福音。同時間,靈糧堂亦喺第二次世界大戰期間,...
靈糧堂(Bread of Life Christian Church)係1943年由趙世光牧師係中國上海創辦嘅基督教獨立教會。一般嚟講,目前靈糧堂嘅真正發展應該係1954年喺台北成立靈糧堂之後。亦因為咁,依家喺好多資料上,靈糧堂亦稱為台北靈糧堂。至今,台北靈糧堂喺全世界設咗一共168個分堂。
不過講就咁講,1990年後,仍然有唔少靈糧堂分堂同台北靈糧堂系統毫無關係,好似香港靈糧堂。
1943年資深牧師趙世光喺中國上海設立嘅上海靈糧堂同中國靈糧世界佈道會。開始喺中國華東一帶以設立分會與出版刊物方式傳授基督福音。同時間,靈糧堂亦喺第二次世界大戰期間,從事戰時嘅社會慈善事業。
據趙牧師解釋,靈糧堂個名都係嚟自《聖經》。其中,「靈」字嚟自耶穌,佢喺約翰福音6章63節所講:「叫人活著的乃是靈,肉體是無益的。我對你們所說的話,就是靈,就是生命。」另外「糧」字,則來自耶穌於約翰福音15章第1至2節所說:「我是生命的糧、我是世界的光、我是羊的門、我是好牧人、復活在我,生命也在我、我是道路真理生命、我是真葡萄樹,我父是栽培的人。」
戰後,因為見到統治新中國嘅中國共產黨唔允許宗教存在嘅實情,趙牧師放棄上海同華東等各地教堂組織,前去香港,並且喺1949年喺香港九龍成立九龍靈糧堂,並繼續佈道同慈善事業。
靈糧堂嘅發展肇始應該由教會人員去台灣台北建堂後。1954年9月,趙世光牧師去台佈道。喺台北市第一女中嘅佈道會深受歡迎後,正式成立台北靈糧堂。成立初期,靈糧堂創辦人趙牧師仍喺九龍佈道,教會冇固定集會場所。除咗暫時借用師專附設幼稚園同台銀幼稚園嘅場所做為禮拜場所之外,靈修方式以教徒私下互動為主。
1957年8月寇世遠牧師任職台北靈糧堂,係台北靈糧堂首位專職牧師。同年11月,靈糧堂喺台北市和平東路建立首座靈糧堂集會場所。1969年寇世遠辭靈糧堂另立基督之家,改由鄭昌國牧師接任,並持續用搞主日學同團契嘅方式召募教徒。
1977年現任台北靈糧堂主任牧師周神助接任現職。周神助改良韓國基督教派嘅靈修方式,以創新嘅晨禱方式,吸引台北市民。並增建台北靈糧堂樓面面積容納更多教眾。至1990年,光係台北靈糧堂每主日就有兩千幾人教徒固定咁返去。同時間,該教會亦派資深牧師去高雄、台中、台北縣、甚至...