永利皇宮 | wynn macau wiki
呢篇文側重咗喺部分見解、事件或爭議。請幫手修改下,令佢平衡噉闡述各類觀點。永利皇宮池畔咖啡廳永利皇宮(葡文:PalácioWynn;英文:WynnPalace;繁稱:永利皇宮路氹[英文:WynnPalaceCotai])由永利渡假村(澳門)股份有限公司擁有及經營,起喺澳門路氹地區,係個佔地接近六百萬平方呎嘅綜合度假村。[1]用於佢嘅第一階段總投資超過42億美元,起咗六年左右,响2016年8月22號開業;[2]第二階段建築正喺道設計緊,打算整非博彩設施,例如活動空間、互動娛樂裝置、餐飲供應及酒店客房等等。[3]永利皇宮娛樂場(葡文:CasinoPalácioW...
呢篇文側重咗喺部分見解、事件或爭議。 請幫手修改下,令佢平衡噉闡述各類觀點。永利皇宮池畔咖啡廳永利皇宮(葡文:Palácio Wynn;英文:Wynn Palace;繁稱:永利皇宮路氹[英文:Wynn Palace Cotai])由永利渡假村(澳門)股份有限公司擁有及經營,起喺澳門路氹地區,係個佔地接近六百萬平方呎嘅綜合度假村。[1]用於佢嘅第一階段總投資超過42億美元,起咗六年左右,响2016年8月22號開業;[2]第二階段建築正喺道設計緊,打算整非博彩設施,例如活動空間、互動娛樂裝置、餐飲供應及酒店客房等等。[3]
永利皇宮娛樂場(葡文:Casino Palácio Wynn;英文:Casino Wynn Palace)面積約為42.4萬平方呎,日日廿四小時營業,擺住323張賭檯及1,066部老虎機,重設有私人博彩廳及天際娛樂場。
問題[編輯]响2018年1月11號,李靜儀、梁孫旭及蔡錦富,聯同幾個賭場員工去到政府總部,向行政長官遞請願信,要求政府督促博彩企業依法控煙。[4][5]有到場員工稱,永利皇宮娛樂場嘅中場,有幾個長期打開門嘅吸煙室,二手煙成日由入面飄出嚟,令到附近賭枱嘅員工苦不堪言;亦有客人喺非吸煙區域吸煙,不過往往喺控煙辦人員到場之前,就有人清走嗮啲證據;更試過有賭客拎一百萬出嚟挑戰法律,直言:「你罰啦!」故此,希望政府加大力度執法,同時賭場唔好縱容賭客犯法。[6]
梁孫旭、李靜儀、林倫偉及李振宇,同一批永利皇宮娛樂場職員,响2018年3月12同13號,喺永利皇宮附近擺街站收集簽名,嚟敦促政府同賭場落實「工作場所無煙害」。[7][8][9]梁孫旭指出,員工反映永利皇宮娛樂場入面,有3個未經衛生局批准而開嚟畀客人用嘅吸煙室——一旦有賭場稽查嚟巡視,佢哋就會走鬼——即刻閂門兼唔准佢哋繼續食煙客——經常有人通風報信;[10]而賭場入面嗰啲空氣檢測儀器亦俾人做咗手腳,搞到反映唔到實際情況;啲污糟空氣損害員工健康。[11]
响2018年4月10號,超過兩百個永利澳門及永利皇宮嘅員工,聯同李靜儀、梁孫旭同蔡錦富等人,由皇朝教科文中心外面遊行到永利澳門外面,再向公司代表遞請願信,要求嚴格控煙、反對公司靠通風報信等方法縱容客人違法食煙……[12][13][14]
李靜儀、梁孫旭、葉惠、吳劍業...