[日本中部] 2019年精選新酒店巡禮-金澤、名古屋 | 名古屋新酒店2019
今個星期繼續為大家帶嚟新酒店巡禮系列~今次我哋由東京向西邊出發,嚟到日本嘅中部!名古屋一直係日本中部嘅門戶,幾乎係大家開展昇龍道行程必經嘅城市。再加上由今年嘅春天起,國泰會開辦直航往返小松,相信會越嚟越多人對中部地方感興趣。所以今次特登介紹名古屋以及金澤嘅新酒店俾大家!名古屋同金澤今年都有唔少新酒店開張㗎,而且唔少都係初次進駐當地添!今次分別為大家帶嚟6間名古屋酒店,同埋2間金澤酒店嘅介紹!事不宜遲,我哋即刻睇睇2019年兩地有咩新酒店登場啦~2020年更新版:[日本]2020年中部精選新酒店巡禮-名古屋金...
今個星期繼續為大家帶嚟新酒店巡禮系列~今次我哋由東京向西邊出發,嚟到日本嘅中部!名古屋一直係日本中部嘅門戶,幾乎係大家開展昇龍道行程必經嘅城市。再加上由今年嘅春天起,國泰會開辦直航往返小松,相信會越嚟越多人對中部地方感興趣。所以今次特登介紹名古屋以及金澤嘅新酒店俾大家!名古屋同金澤今年都有唔少新酒店開張㗎,而且唔少都係初次進駐當地添!今次分別為大家帶嚟6間名古屋酒店,同埋2間金澤酒店嘅介紹!事不宜遲,我哋即刻睇睇2019年兩地有咩新酒店登場啦~
2020年更新版:[日本] 2020年中部精選新酒店巡禮-名古屋 金澤 高山[1]
2019年1月11日開業三井花園酒店金澤 Mitsui Garden Hotel Kanazawa三井集團今年首次進入北陸地區嘅巿場,喺1月就會有三井花園酒店金澤開幕~酒店選擇靠近金澤城,離開金澤站大概20分鐘路程。車站嗰邊有巴士服務,由小松機場過嚟亦都有機場巴士去到附近嘅近江町市場,行5分鐘左右就到。三井花園酒店金澤一共有8種房型,當中以雙床房為主,亦都設有雙人房以及三人房。設計方面亦都融合咗當地嘅傳統藝術㗎,睇睇牆上嘅裝飾就知道~酒店頂層13樓設有大浴場,可以一邊浸浴,一邊欣賞金澤城公園嘅景色!房間面積方面,雙人房同雙床房都由226呎起。
地址:石川県金沢市上堤町1番22号鄰近車站:JR 金澤站 (步行約17分鐘)電話:+81 076-263-5531立即訂房:Agoda[2] / Booking.com[3] / 酒店官網[4]參考價錢:每晚約港幣862元(連稅)
2019年1月18日開業名古屋錦日航都市酒店 Hotel JAL City Nagoya Nishiki日航都市酒店嘅規模比起屬同一集團嘅大倉同日航酒店都要細,今年就一口氣會開兩間新酒店,年初先有位於名古屋嘅呢間開張~酒店位於伏見地鐵站附近,去返名古屋站或者榮一帶吃喝玩樂都幾方便~周邊社區雖然比較舊,不過都有唔少食肆,大約200米路程左右就有個商場添!酒店提供9種房型,雙人房有3款而雙床房有6款,其中一款雙...