[老hike都去camp] 露營經歷分享 | 田夫仔士多
走營,個人認為係由A點到B點,中間需要紮營過夜的玩法,似英文中嘅trekking多啲。香港常見嘅走營玩法,常見有:麥徑全走、鳳徑全走、4灣2咀全走等等全走玩法係偏向訓練、挑戰、成就解鎖,過程一啲都唔chill,仲相當嘥時間去準備,還有一定危險性,請三思。全走必須有一定嘅户外知識同危機處理能力,例如:拗骨要點做、ITB出現要點做、意外受傷點做、裝備失靈點做、天氣突變點做、抽筋點做等。今次會用最大路嘅麥徑做解說麥理浩徑,於1979年10月26日啟用,以時任香港總督麥理浩命名,由西貢為起點到屯門終點,全長100km,總爬升約4300米...
走營,個人認為係由A點到B點,中間需要紮營過夜的玩法,似英文中嘅 trekking 多啲。
香港常見嘅走營玩法,常見有: 麥徑全走、鳳徑全走、4灣2咀全走等等
全走玩法係偏向訓練、挑戰、成就解鎖,過程一啲都唔 chill,仲相當嘥時間去準備,還有一定危險性,請三思。
全走必須有一定嘅户外知識同危機處理能力,例如: 拗骨要點做、ITB 出現要點做、意外受傷點做、裝備失靈點做、天氣突變點做、抽筋點做等。
今次會用最大路嘅麥徑做解說麥理浩徑,於1979年10月26日啟用,以時任香港總督麥理浩命名,由西貢為起點到屯門終點,全長100km,總爬升約4300米。
麥徑好處係,補給點同退出點特多,所以適合初體驗。
全走最需要係 well planning:
先要了解路線中有幾多個地點有水源 有幾多地點可以紮營 分段時間幾多日 需要準備幾多食物 Gear 嘅選擇 唔係個個山頭都有士多麥徑補給補水點
M1 東壩 M2 西灣、咸田、大浪灣 、赤徑 (士多) M3 嶂上 (士多) M4 水浪窩 M5 獅子亭 (士多) M6 城門 M8 鉛礦坳 M8 大帽山茶水站 (士多) M9 田夫仔 (士多) 水浪窩營地設備齊全麥徑營地 (官site)
M1 白腊 M2 浪茄、西灣、咸田、北潭凹 M3 嶂上 M4 水浪窩、昂平 M8 鉛礦坳 M9 扶輪、荃錦、田夫仔咁睇個人能力同想分幾日行而決定自己邊個地點過夜。例如本老hike計劃咗3日完成 planning 如下:
0800 北潭涌 > 1000 東壩> 1300 咸田 > 1900 水浪窩 0900 水浪窩 > 1100 昂平> 1400 獅子亭 > 2000 鉛礦坳 0900 鉛礦㘭 > 1100 大帽山茶水站 > 1800 終點依個計劃,因為中間有咸田、獅子亭、茶水站做午餐位,所以只需要準備兩餐晚餐同兩餐早餐,慳返唔少食材同燃料重量。
走營9大裝備計劃完後,就要準備 gear。本老hike全走時連食物同水重量約9kg,有幾樣我覺得係必須,其他自己衡量自己能力同手上擁有嘅裝備。
1...