城堡 | 城堡內部構造
城堡(粵拼:sing4bou2;英文:castle)係一種做咗防禦工事、起嚟俾皇室或者貴族住嘅建築物。喺定義上,一座建築物要算係城堡,佢要有齊「有防禦結構」同「起嚟俾皇室貴族住」呢兩個特徵先得-如果一座建築物有防禦結構、但唔係俾皇室貴族住嘅,噉佢係一座要塞(fortress;例:萬里長城),而另一方面,如果一座建築物係起嚟俾皇室貴族住、但冇防禦結構嘅,噉佢就會係一座宮殿(palace;例:紫禁城)[1]。以英國嘅溫莎堡為例:呢座建築物由12世紀初開始,就有多位英格蘭嘅皇室人員喺入面住過,連英女王伊利沙伯二世(ElizabethII)都...
城堡(粵拼:sing4 bou2;英文:castle)係一種做咗防禦工事、起嚟俾皇室或者貴族住嘅建築物。喺定義上,一座建築物要算係城堡,佢要有齊「有防禦結構」同「起嚟俾皇室貴族住」呢兩個特徵先得-如果一座建築物有防禦結構、但唔係俾皇室貴族住嘅,噉佢係一座要塞(fortress;例:萬里長城),而另一方面,如果一座建築物係起嚟俾皇室貴族住、但冇防禦結構嘅,噉佢就會係一座宮殿(palace;例:紫禁城)[1]。以英國嘅溫莎堡為例:呢座建築物由 12 世紀初開始,就有多位英格蘭嘅皇室人員喺入面住過,連英女王伊利沙伯二世(Elizabeth II)都有喺溫莎堡住過一排;另一方面,溫莎堡有用石頭起嘅城牆等嘅防衛結構,喺必要時,英國皇室可以派士兵守喺入面,用座城堡做軍事用途-所以溫莎堡係一座城堡[2]。
起源[編輯]城堡係歐洲史重要嘅一環:歐洲城堡建築起源於公元 9 至 10 世紀;當時曾經覆蓋大半個西歐嘅加洛林帝國(Carolingian Empire)冧咗,搞到佢哋嘅領土分裂咗做好多細嘅王國;呢啲王國嘅皇室就紛紛起咗好多城堡,用城堡做軍事用途-城堡可以扮演軍事基地嘅角色,作為進攻嘅起點,同時又有防守作用,可以用嚟保護王國嘅領導人冇噉易受敵人侵襲;因為城堡同皇室成員之間嘅啦掕,城堡喺中世紀歐洲仲成為咗行政中心同權力嘅象徵,當時嘅皇室貴族往往會喺重要地點附近起城堡-「重要地點」可以係重要城市嘅中心、重點通道、肥沃土地、或者水源呀噉。呢點令城堡建築體現咗中世紀歐洲嘅軍事同權力情況[1]。
設計史[編輯]喺設計同起城堡嘅過程裏面,「要點強化座城堡嘅防守」係一樣高深嘅學問。原始嘅城堡會用泥或者木起,但呢啲物料話噉快就俾更硬淨-更有利於防守-嘅石頭取代;城堡建築又可以運用天然嘅防禦,例如起喺難攻嘅山上面(例:新天鵝堡);到咗 12 世紀尾同 13 世紀初,歐洲人有咗科學性嘅城堡防守建築法,好似係多咗運用城塔結構,等士兵可以由高處睇住有冇敵人進犯,又有多咗運用多層嘅同心(concentric)結構,進一步提高進攻嘅難度。另一方面,呢啲用嚟強化防守力嘅結構往往又可以攞埋嚟展示權力,例如起喺高山上令皇室人員可以由高處望落平民嗰度,加強「皇室人員高高在上」嘅氣氛[1][3]。
沒落[編輯]城堡建築最後走向沒落:喺 15 世紀,...