觀塘全新Party Room 大人細路放電樂園 | 觀 塘 Party Room 親子
做咗父母之後,可能同朋友相聚嘅時間愈來愈少,只因無時無刻都偠湊住小朋友,即時聚頭,都傾唔到兩句。如果有一個地方,大人小朋友都可以盡情玩,盡情放電,你話係咪幾好呢?最近觀塘新開咗一個PartyRoom,閒日非繁忙時間包場,玩足三個鐘每人唔使HK$100,聽落相當划算。至於好唔好玩?不如一齊睇下呢個場8大checkpoint再定奪啦! CheckPoint1:入場任玩電動車場內最矚目的是迷你電動車專區!多款「名車」如古董平治、林寶堅尼、麥拿侖等總數近20架!全屬電動車種,油門一踏便可駕駛,小model只有三歲半,已經可以自己駕駛。 CheckPo...
做咗父母之後,可能同朋友相聚嘅時間愈來愈少,只因無時無刻都偠湊住小朋友,即時聚頭,都傾唔到兩句。如果有一個地方,大人小朋友都可以盡情玩,盡情放電,你話係咪幾好呢?最近觀塘新開咗一個 Party Room,閒日非繁忙時間包場,玩足三個鐘每人唔使 HK$100,聽落相當划算。至於好唔好玩?不如一齊睇下呢個場 8 大 check point 再定奪啦!
Check Point 1: 入場任玩電動車
場內最矚目的是迷你電動車專區!多款「名車」如古董平治、林寶堅尼、麥拿侖等總數近 20 架!全屬電動車種,油門一踏便可駕駛,小 model 只有三歲半,已經可以自己駕駛。
Check Point 2: 放電波波池
場內設有小朋友最愛的放電波波池,並有三條滑梯滿足小朋友瀡滑梯願望!
Check Point 3: 香港情懷 IG Wall
朋友相聚,當然要打卡簽到留念!此處設有靚靚打卡場,好有香港特色,亦一面牆則是「天使之翼」,拍照效果亦相當吸引。
Check Point 4: 迷你超級市場、迷你廚房
小朋友最鍾意扮大人,此 Party Room 設有迷你超級市場、迷你廚房,小朋友於此處即煮即食,一定樂而忘返!
Check Point 5: 夾車仔
大人細路無不愛「夾公仔」,呢度則有一部「夾扭蛋機」畀大家一展身手。入場即送 10 個代幣,之後亦可額外購買,價錢是 HK$20 四個,HK$50 則有 12 個。
Check Point 6: 親子變裝化妝間小朋友最鍾意角色扮演,呢度嘅戲服除咗小朋友 size 之外亦有大人 size,入場即可任玩,全家影相打卡就最啱!
Check Point 7: 200吋超大屏幕
此 Party Room 設有一部大電視及兩個分別 200 吋及 150 吋的超大屏幕,畀大人細路瘋狂打機唱 K!
Check Point 8: 成人專區
咁多小朋友玩樂設施,細路見到一定心心眼!場內亦設有「18禁成人專區」!大人可圍埋傾偈玩牌作樂,真係可以大小同樂...