Creatrip | 大邱踩點
Hello,大家好,我哋係由韓國人每日提供最新韓國資訊嘅Creatrip。一講到大邱,身為A.R.M.Y嘅大家一定第一時間諗到BTS嘅V同埋Suga啦!今次小編一次過帶大家嚟一個BTS成員嘅景點巡禮,嚟到V同埋Suga嘅故鄉,睇睇呢個充滿歷史文化、美食同埋藝術結合嘅呢個地方!身為A.R.M.Y嘅大家就唔好錯過啦!BTSV大邱踩點第一站:V嘅母校V嘅母校總共有三間,佢國中嘅時候曾經搬過去慶尚道嘅居昌郡,然後番返去大邱讀幼稚園與小學、高中。大家如果想影相嘅話記得只可以喺外面影,唔可以入去影㗎!1.V嘅幼稚園:飛山4洞幼稚園地址:대구서구국채보상로7...
Hello,大家好,我哋係由韓國人每日提供最新韓國資訊嘅Creatrip。
一講到大邱,身為A.R.M.Y嘅大家一定第一時間諗到BTS嘅V同埋Suga啦!今次小編一次過帶大家嚟一個BTS成員嘅景點巡禮,嚟到V同埋Suga嘅故鄉,睇睇呢個充滿歷史文化、美食同埋藝術結合嘅呢個地方!身為A.R.M.Y嘅大家就唔好錯過啦!
BTS V大邱踩點第一站:V嘅母校
V嘅母校總共有三間,佢國中嘅時候曾經搬過去慶尚道嘅居昌郡,然後番返去大邱讀幼稚園與小學、高中。大家如果想影相嘅話記得只可以喺外面影,唔可以入去影㗎!
1. V嘅幼稚園:飛山4洞幼稚園
地址:대구 서구 국채보상로76길 34呢度就係V讀過嘅「飛山4洞幼稚園」,諗起V呢個樣真係會不知不覺咁笑出嚟。
不過小編去嘅時候就發現其實呢間幼稚園已經冇開,仲搬咗去距離三分鐘路程嘅新大樓,大家都可以去曬兩邊打卡啊!
2. V嘅高中:大邱第一高等學校
地址:대구 서구 비산4동 국채보상로 384距離V幼稚園嘅兩分鐘路程,就係V嘅高中「大邱第一高等學校」。而且只要係A.R.M.Y都知道V喺讀高中嘅時候就想出道,所以之後轉咗去藝術高中到同Jimin一齊返學。
小編都打聽到,喺大邱一高教過V嘅老師話:「V上堂好認真㗎,性格都好好,係學生嘅典範!」,而喺大邱一高嘅正門過去嘅天橋,係推薦畀嚟大邱踩點V母校嘅朋友嘅秘密地方!沿著呢條天橋上樓梯,唔單止可以睇到第一高中的樣子,仲可以睇到V出世、長大嘅飛山洞風景添!
3. V嘅小學:大邱大城小學
地址:대구 서구 비산4동 국채보상로 426沿着飛山4洞幼兒園、大邱第一高中一直行落去,就可以睇到大邱大城小學。呢度都係V讀過書嘅地方,聽講佢曾經轉學去居昌郡嘅小學然後畢業,然後就喺當地讀國中,高中嘅時候先返大邱。大邱初等學校真係好靚,秋天嘅時候都好適合喺呢度打卡!
達城公園(달성공원)
地址:대구 중구 달성공원로 35開放時間:05:00 - 21:00位於V嘅小學...