23間拉麵店全集!日劇《愛吃拉麵的小泉同學》大力推介 | 二郎系拉麵日劇
改編自漫畫,2015日劇《愛吃拉麵的小泉同學》講一個好鐘意食拉麵嘅女高中生食拉麵嘅故事,佢成集係度「食食食」,深夜真係睇到人都肚餓啊!今次為大家介紹1-4集到SP登場過嘅拉麵店,大家去東京、橫濱之類順路都可以試下!名單入面其實包括左米芝連嘅人氣店鋪,有需要長時間排隊嘅可能性!除此之外,唔同店鋪嘅專業拉麵食法都由小泉同學喺劇中示範,想以最好味嘅方法食下面介紹嘅拉麵,就歡迎大家去睇返日劇啦!※大家睇下小泉同學食拉麵個樣就知道有幾好食啦!(出處:Twitter@ドラマ『ラーメン大好き小泉さん』、Fujitv)每集所介紹過嘅...
改編自漫畫,2015日劇《愛吃拉麵的小泉同學》講一個好鐘意食拉麵嘅女高中生食拉麵嘅故事,佢成集係度「食食食」,深夜真係睇到人都肚餓啊!
今次為大家介紹1-4集到SP登場過嘅拉麵店,大家去東京、橫濱之類順路都可以試下!名單入面其實包括左米芝連嘅人氣店鋪,有需要長時間排隊嘅可能性!除此之外,唔同店鋪嘅專業拉麵食法都由小泉同學喺劇中示範,想以最好味嘅方法食下面介紹嘅拉麵,就歡迎大家去睇返日劇啦!
※大家睇下小泉同學食拉麵個樣就知道有幾好食啦!
(出處:Twitter@ドラマ『ラーメン大好き小泉さん』、Fujitv)
每集所介紹過嘅好味店鋪如下:
1. 金色不如歸 —- 醬油拉麵
(金色不如帰 —- 醤油そば)
登場集數:EP1
(出處:Twitter@阿曾山大噴火)
店鋪地址:日本東京都渋谷区幡ヶ谷2丁目47−12
營業時間:星期一至三、六日營業(11:30-15:00, 18:30-22:00) 星期四、五休息
2. 二郎拉麵店 八王子野猿街道店2 —– 大份豬肉拉麵
(ラーメン二郎 八王子野猿街道店2 —– 大ブタ)
登場集數:EP1
(出處:Twitter@フジテレビ編成部)
店鋪地址:東京都八王子市堀之内2-13-16
營業時間:星期二至五 (11:00-14:30, 17:00-22:30) ,星期六(11:00-15:00, 16:30-22:30) ,星期日(11:00-17:00) ※若當日麵條用盡會休息營業
3. 堀內拉麵 新橋店 —- 拉麵
(らぁめん ほりうち 新橋店 —- らぁめん)
登場集數:EP2
(出處:Twitter@フジテレビ編成部)
店鋪地址:東京都港区新橋3-19-4 桜井ビル 1F
營業時間:【一至四】AM7:00〜翌日AM3:00
【五】 AM7:00〜翌日AM4:30